"გაგრასთან" ჩატარებული განმეორებითი სათასო ნახევარფინალური მატჩი "ვიტ ჯორჯიასთვის" ორმაგად სამწუხარო გამოდგა. გარდა იმისა, რომ ვეტერინარებმა პირველლიგელთან მეორე შეხვედრაც წააგეს და ფინალის მიღმა დარჩნენ, ტვინის შერყევის გამო დავით მაისაშვილიც გამოაკლდათ.მაისაშვილი მატჩის მეორე ნახევარში თანაგუნდელ მეკარეს შეეჯახა და საავადმყოფოში გადასაყვანი შეიქნა. იმ დროისთვის "ვიტ ჯორჯიას" სამივე შეცვლა გამოყენებული ჰქონდა და მასპინძლებმა თამაში ათი კაცით ჩაამთავრეს.
ნახევარმცველი, რომელმაც "გაგრასთან" შეხვედრა ცენტრალური მცველის პოზიციაზე ჩაატარა, დაახლოებით ერთი თვე იუქმებს, რაც იმას ნიშნავს, რომ მისთვის სეზონი დასრულებულია.
ამით "ვიტ ჯორჯიას" საკადრო პრობლემები კიდევ უფრო
"ვიტ ჯორჯიას", რომელსაც დაცვის ცენტრში სერიოზული პრობლემები შეექმნა, საკმაოდ რთული კალენდარი დარჩა – ჩემპიონატის ბოლო სამ ტურში "ტორპედოსთან", "დინამოსა" და "ზესტაფონთან" შეხვედრები ელის.
