ქუთაისი. ცენტრალური: 1200 მაყურებელიტორპედო-სპარტაკი 1:0
1:0 ჩიკვილაძე (65)
ტორპედო სპარტაკი
4-4-2 4-3-2-1
მიგინეიშვილი დაუშვილი
ფოფხაძე ჭაფოძე
ს. თოდუა მგელაძე
ფარულავა ფრიდოლინი
ჩიკვილაძე მანჩხავა
თარხნიშვილი მამუჩიშვილი
დიღმელაშვილი თ. შონია
ქებაძე კილასონია
ბაკურაძე ჯაკობია
გოცირიძე დეკანოიძე
საბანაძე მეტრეველი
მწვრთნელი: მწვრთნელი
გ.გიგატაძე ბ.კვარაცხელია
46. ბაკურაძე-გუგუჩია
46. საბანაძე-კემუხტაშვილი
83. გოცირიძე-მ. გიგაური
სათადარიგოები: ქვილითაია, მაჭავარიანი, გურული, ჩხეტიანი
55.კილასონია-ბუზალაძე
61.ჯაკობია-ვ. ბოლქვაძე
81.დეკანოიძე-ზერეკიძე
სათადარიგოები: ხომერიკი, ალავიძე, ბურძენაძე, კაკაშვილი
გაფრთხილება: დიღმელაშვილი (30)
არბიტრი: ლ.სილაგავა
"ტორპედომ" "სპარტაკის" დამარცხებით მეოთხე ადგილი გაინაღდა, თუმცა მატჩმა ადგილობრივ ქომაგებში მაინდამაინც დიდი ინტერესი ვერ გამოიწვია. ასეთი სიხალვათე "ტორპედოს" არენაზე მიმდინარე სეზონში არ ყოფილა. სამაგიეროდ, შეხვედრის მიმართ ინტერესი
მასპინძლებს წამყვანი ფეხბურთელები: სეთურიძე, დოლიძე, მეგრელაძე, დათუნაიშვილი და კვარაცხელია აკლდათ. მაგრამ მეტოქეზე უკეთ გამოიყურებოდნენ, თუმცა ცხინვალელებსაც ჰქონდათ საგოლე შანსები.
პირველად სტუმრებმა შეაწუხეს მეტოქის გოლკიპერი-ჯაკობიამ საჯარიმოს გარედან დაარტყა, თუმცა მიგინეიშვილს არ გასჭირვებია ბურთის დაუფლება. ორიოდე წუთში ტორპედოელებმაც უპასუხეს-ჩიკვილაძემ მარჯვენა ფლანგიდან ჯარიმა შეასრულა, ჩაწოდებულ ბურთს ქებაძე მახვილი კუთხიდან, მცველების გარემოცვაში ურტყამდა და ბურთი გარედან მოხვდა ბადეს. მე-7 წუთზე მასპინძლებმა აშკარა საგოლე მოემნტი გაუშვეს ხელიდან. თარხნიშვილმა ფლანგზე გაილაღა და მეკარის ბაქანთან ახლოს გოცირიძეს გადააწოდა, რომელსაც ხელს არავინ უშლიდა, მაგრამ ბურთი ვერ მოირგო და ფაქტობრივად ცარიელი კარი ვერ დალაშქრა.
ტორპედოელთაგან გამოსარჩევია თენგიზ ჩიკვილაძის კარგი თამაში. იგი დაცვაშიც ყურადღებიანი იყო, შეტევებშიც ხშირად ერთვებოდა და აკი გამარჯვების გოლიც გაიტანა. მე-20-წუთზე მისი საჯარიმო დარტყმა მეკარემ მუშტებით მოიგერია. 32-ე წუთზე ჩიკვილაძის ძლიერი დარტყმა მეკარემ ისევ კუთხურზე გადააგდო. ხუთი წუთის შემდეგ კი თენგომ საკუთარი გუნდი იხსნა აშკარა გოლისგან - ჯაკობიას დარტყმის შემდეგ კარში მიმავალ ბურთს გადაეღობა.
კარგად ჩაერთო თამაშში შეცვლაზე შესული ლუკა გუგუჩია. 65-ე წუთზე ის სამ მცველს შორის გაძვრა. სპარტაკელებმა მისი შეჩერება წესების დარღვევით შეძლეს. სახიფათო საჯარიმო მატჩის გმირმა ჩიკვილაძემ შესანიშნავად შეასრულა და მეკარისგან მარჯვენა ცხრიანში მოათავსა ბურთი-1:0.
ამის შემდეგ შეხვედრა ორმხრივ შეტევებში წარიმართა, მომენტებიც ორივე კართან შეიქმნა. უნდა ითქვას, რომ ბოლო ათ წუთში მოულოდნელად საკმაოდ ფიცხელი ორთაბრძოლა გაჩაღდა. რასაც ჯერ სპარტაკელი დეკანოიძის ტრავმა და თამაშიდან ნაადრევად გამოთიშვა მოჰყვა, ბოლოს კი შეცვლაზე შესულმა კემუხტაშვილმა ბოიომოსთან შეჯახებისას გაიტეხა თავი და შეხვედრა თავშეხვეულმა ჩაამთავრა.
