"ბაიას" შესახებ ბოლო დროს სასიამოვნოს ვერაფერს გატყობინებდით, გუშინ კი ზუგდიდელთა მთავარმა მწვრთნელმა ელგუჯა ქომეთიანმა დამაიმედებელი ინფორმაცია მოგვაწოდა."ჩვენთან მოვიდა ერთ-ერთი იტალიური კომპანიის ქართველი წარმომადგენელი, რომელმაც გვითხრა, რომ მის კომპანიას "ბაიას" დაფინანსება აქვს გადაწყვეტილი. შეხვედრამ საქმიან ატმოსფეროში ჩაიარა და დავრწმუნდით, რომ ამ ფირმას ჩვენს კლუბთან დაკავშირებით შორსმიმავალი გეგმები აქვს და დაპირება მალე საქმეში გადაიზრდება", - გვითხრა ქომეთიანმა.
როგორც შევიტყვეთ, ამ კომპანიას, რომლის სახელიც ჯერ არ კონკრეტდება, წლებია, საკუთარი ფილიალი სამეგრელოშიც აქვს გახსნილი და იქ თხილის ბიზნესითაა დაკავებული.
შესაძლოა, სპონსორის გამოჩენა საქართველოს
იმედია, "ბაიას" წევრთა და გულშემატკივართა მოლოდინი გამართლდება და საქართველოს ჩემპიონატს ამბიციური და ბრძოლისუნარიანი გუნდი შეემატება. "ბაიას" ყოველთვის ნიჭიერი ახალგაზრდები ჰყავდა და ბევრი ძლიერი მეტოქეც გაუმწარებია, მაგრამ სერიოზულმა ფინანსურმა პრობლემებმა, რამაც განსაკუთრებით გასულ სეზონში იჩინა თავი, გუნდის უმაღლეს ლიგაში თამაშს კითხვის ნიშანი დაუსვა. ღმერთმა ქნას, "ბაიას" აღარასდროს დაუდგეს ის დრო, გასვლით მატჩებზე ნასესხები ფულით რომ დადიოდა და თბილისში ჩამოსული გუნდის წევრები ღამეს არა სასტუმროში, არამედ ნათესავების ოჯახებში ათევდნენ.
უახლოეს დღეებში "ბაიას" ახალი სპონსორის დადგენასაც შევეცდებით და იმასაც შევიტყობთ, შეასრულა თუ არა ამ კომპანიამ დაპირებები და როგორი იქნება კლუბის ბიუჯეტი და მიზნები.
ქომეთიანმა კი გეგმების შესახებ გუშინვე გვითხრა. როგორც ჩანს, "ბაიას" თავკაცს გუნდის მოსამზადებელი პროგრამის შესადგენად უკვე აქვს გარკვეული საფუძველი. მას პირდაპირ კაცად ვიცნობთ და უპირველესად, სწორედ ქომეთიანის ოპტიმიზმი გვაიმედებს, რომ "ბაიაში" ყველაფერი რიგზე იქნება.
გუნდი ვარჯიშს 20 ივნისს, საკუთარ ბაზაზე დაიწყებს და თვის ბოლომდე იქვე მოემზადება. ამას ბაკურიანული შეკრება უნდა მოჰყვეს, რის შემდეგაც "ბაია" ზუგდიდში დაბრუნდება და საკონტროლო მატჩების გამართვას შეუდგება. ქომეთიანი იმედოვნებს, რომ კლუბის ბიუჯეტი გუნდს თურქეთის შავიზღვისპირეთში გადასვლასა და იქაურ გუნდებთან გაჯიბრების საშუალებასაც მისცემს.
გუნდის ბირთვი შენარჩუნდება და "ბაია" კვლავ ადგილობრივ ახალგაზრდებს დაეყრდნობა, თუმცა სამწვრთნელო შტაბი შემადგენლობის გაძლიერებაზეც იზრუნებს. უკვე გადაწყვეტილია, რომ "ბაიას" დაუბრუნდება ნახევარმცველი ლუკა გუგუჩია, რომელმაც გასული სეზონი განათხოვრებით ქუთაისის "ტორპედოში" გაატარა. აუცილებლად დაბრუნდება "ლელოს" მიერ სეზონის საუკეთესო დებიუტანტად დასახელებული ირაკლი ქობალია. შეგახსენებთ, ახალგაზრდა ფორვარდი საევროთასოდ რუსთავის "მეტალურგშია" განათხოვრებული.
ყოველდღიური სპორტული გაზეთი "ლელო"
სპორტსმენის საქციელია ეს? ძველი ბიჭი თუხარ წადი უბანში დადექი და ურტყი ვიღაცეებს იქაც მოერევი.
მწვრთნელი არ გყავთ, არავინ არ გყავთ შეგნებული რო იპონის გარდა ღირსეული საქციელი და თავის დაჭერა და სპორტმენობა გასწავლოთ?