გუშინ ფოთის "კოლხეთმა" ოზუგეთში "მერცხალს" 3:0 მოუგო. ამ სპარინგში ზღვისპირელთა სამწვრთნელო შტაბმა უმეტესად გასასინჯი ფეხბურთელები ათამაშა და სოლიდური ანგარიშის მიუხედავად, მათი უმეტესობის გარჯით უკმაყოფილო დარჩა. სავარაუდოდ, ამ კონტინგენტიდან "კოლხეთში" მხოლოდ ორ-სამ ფეხბურთელს დაიტოვებენ.
"მერცხალთან" ამ შემადგენლობამ ითამაშა: ნადირაშვილი, კილასონია, თედიაშვილი, ქაჯაია, თურქია, ლომაშვილი, ცხადაია, ჯოხაძე, ვარდოსანიძე, შავგულიძე, ჭკადუა. შეცვლაზე შევიდნენ: ჯინჭარაძე, ხარშილაძე, გეგელია, ლემონჯავა, რუსია, ცანავა.
ცხადაიამ პირველ ტაიმში დუბლი შეასრულა, მეორე ნახევარში კი გურულებს ჯოხაძემ გაუტანა.
გიორგი ცხადაია, რომელმაც წინა სეზონში ჯერ "ზესტაფონის", მერე კი "სამტრედიას" ღირსება დაიცვა, თითქოს
"კოლხეთი" შეკრებას ურეკში მოაწყობს, სადაც 16-დან 30 ივლისამდე დარჩება. მანამდე სოსო ფილიას გუნდი სამ ამხანაგურ მატჩს ჩაატარებს – 10 ივლისს ქუთაისის "ტორპედოს" შეხვდება, 12-ში "ბათუმს" გაეჯიბრება, 14-ში კი ლანჩხუთის "გურიას" დაუპირისპირდება. ეს შეხვედრები ფოთში იყო დანიშნული, მაგრამ რაკი იქ სტადიონის რეკონსტრუქცია უკვე დაიწყო, სპარინგებს, სავარაუდოდ, გრიგოლეთში გადაიტანენ.
ურეკულ შეკრებაზე კი 18 ივლისს "კოლხეთი" ბათუმის "ადელს" შეხვდება, 22-ში - მარტვილის "მერანს", გასარკვევია 26 ივლისის მეტოქის ვინაობა, შეკრების ბოლო დღეს, 30 ივლისს კი ფოთელები საჩხერის "ჩიხურას" ესპარინგებიან.
ყოველდღიური სპორტული გაზეთი "ლელო"
