შაბათს გორის "დილამ" შეკვეთილში დაიწყო ერთკვირიანი შეკრება. ჩვენს ზღვისპირეთში მოსამზდებელი ეტაპის გარკვეული ნაწილის გამართვა, როგორც გუნდის უფროსმა გოჩა ლომიძემ გვითხრა, დღესდღეობით ყველაზე ოპტიმალურ გადაწყვეტილებად მიიჩნია ხელმძღვანელობამ. საქმე ისაა, რომ სტამბოლის სიახლოვეს ერთ-ერთ მთიან საკურორტო ქალაქში დაგეგმილი შეკრება ამ ეტაპზე უამინდობის, კერძოდ, ნისლის გამო გადაიდო..
"ჯერჯერობით "დილა" შეკვეთილში მოემზადება, სადაც დაგეგმილი გვაქვს ამხანაგური მატჩები ბათუმის "დინამოსთან", ზუგდიდის "ბაიასთან", ცხინვალის "სპარტაკთან" და ფოთის "კოლხეთთან", რის შემდეგაც, დაახლოებით 23-24 ივლისს, გადავინაცვლებთ თურქეთში, სტამბოლთან მდებარე მთიან საკურორტო ზონაში.
ჩვენი ინფორმაციით, იქ იმ დროს 15-მდე
რას შეეხება ტრანსფერებს, ფაქტობრივად შეგვიძლია, გუნდი დაკომპლექტებულად მივიჩნიოთ. დღესდღეობით არსებული შემადგენლობა არა მგონია, შეიცვალოს", - გვითხრა "დილას" მთავარმა მწვრთნელმა გია ცეცაძემ.
გოჩა ლომიძემ ისიც გვითხრა, რომ მალე გორში, "დილას" მთავარ არენაზე, თენგიზ ბურჯანაძის სახელობის სტადიონზე, მინდვრის საფრის აღებაც დაიწყება. ამით მოედანი შემზადდება იმ სარემონტო სამუშაოებისთვის, რომელსაც ფედერაციის მიერ გამოცხადებულ ტენდერში გამარჯვებული კომპანია განახორციელებს.
ბურჯანაძის სახელობის არენიდან აღებულ საფარს კი გორის "ქართლის" სტადიონზე გადაიტანენ. მოგეხსენებათ, აქამდე "ქართლზე" ცხინვალის "სპარტაკი" ასპარეზობდა, თუმცა მიმდინარე წლიდან გორის ორივე სტადიონი და ქალაქის მუნიციპალიტეტს დაქვემდებარებული ბავშვთა საფეხბურთო სკოლა ქალაქის ხელმძღვანელობამ "დილას" გადასცა - კლუბის უფრო წარმატებული მუშაობის მიზნით.
გუნდისთვის სპონსორის მოძიების საქმეში ისევ არ არის სიცხადე, თუმცა "დილას" თავკაცები ისევ იმედიანად არიან და დაფინანსების თვალსაზრისით გუნდში პრობლემებს გამორიცხავენ.
დავით ასპანიძის ფოტო
ყოველდღიური სპორტული გაზეთი "ლელო"
