"მართალი ისაა, რომ ახლა რუსთავის "ოლიმპში" ვვარჯიშობ, მაგრამ ჯერ კონტრაქტი არ გამიფორმებია. საქართველოში სატრანსფერო "ფანჯარა" მალე იხურება და დავრჩები თუ არა კლუბში, უახლოეს დღეებში უნდა გაირკვეს. წინასწარ "ოლიმპის" ხელმძრვანელებს კი ვილაპარაკეთ, მაგრამ ვარჯიშებზე მწვრთნელი დამაკვირდება", - გვითხრა ახალკაცმა.
28 წლის ფეხბურთელი ბოლოს აზერბაიჯანის პირველობაზე ზაქათალის "სიმურგში" თამაშობდა - გუნდი გასულ სეზონში საუკეთესო ექვსეულში ვერ მოხვდა და გუნდის ხელმძღვანელობა ქართველ ლეგიონერებს,
"ბოლნისის "სიონში" გადასვლა გადაწყვეტილი მქონდა, როცა ოთარ გაბელია დამიკავშირდა და "ბაიაში" თამაში შემომთავაზა. გუნდს ბაკურიანის შეკრებაზეც ვახლდი, ორმხრივი თამაშებიც გვქონდა და ამის შემდეგ ვითარება შეიცვალა. მითხრეს, რომ სპონსორი იმ თანხას ვერ გადაიხდიდა, რაზეც წინასწარ მოვილაპარაკეთ. სიმართლე გითხრათ, უარის რეალური მიზეზი ფინანსები ყოფილიყო. შეხვედრები საკმაოდ დიდი დატვირთვების ფონზე ჩავატარე, როგორც ჩანს, სასურველი შთაბეჭდილება ვერ დავტოვე და ჩემს დატოვებაზე უარი თქვეს. ასეა თუ ისე, ზუგდიდი დავტოვე და ახლა, იმედია, "ოლიმში" ვითამაშებ", - გვითხრა ახალკაცმა.
რაც შეეხება აზერბაიჯანიდან წამოსვლას, სადაც ახალკაცი სამი სეზონი თამაშობდა - ამ შემთხვევაში, კლუბიდან მისი გაშვების ერთ-ერთი მიზეზი არა მხოლოდ "სიმურგის" წარუმატებლობა, ამ ქვეყანაში ლეგიონერებზე დაწესებული გადასახდებიც აღმოჩნდა.
"დასრულებულ პირველობაზე "სიმურგი" წარუმატებლად გამოვიდა. ასეთ დროს, ბუნებრივია, რისხვა ლეგიონერებს დაატყდებათ თავს და გამონაკლისები ჩვენც არ ვიყავით. სეზონის შემდეგ გამოგვიცხადეს, ლეგიონერები აღარ გვინდაო და საქართველოში დავბრუნდი.
აზერბაიჯანელების გადაწყვეტილება არც მიკვირს, გუნდი ლეგიონერებში ძალიან დიდ ხარჯს იღებდა. თითოეული ჩვენგანის განაცხადში შესაყვანად, სეზონში აზერბაიჯანის ფედერაციას 25 ათას მანათს, ანუ დაახლოებით 25 ათას ევროს უხდიდნენ, "სიმურგში" კი დაახლოებით 15 ლეგიონერი ვთამაშობდით და ხომ წარმოგიდგენიათ, რამხელა თანხებს ხარჯავდდნენ? ლეგიონერების წარდგენისთვის ზაქათალელები რომ იხდიდნენ, შესაძლოა, ამხელა ფული ჩვენი უმაღლესი ლიგის ზოგიერთ კლუბს წლის განმავლობაში არ ჰქონდეს. ამ ყველაფერს ისიც დაემატა, რომ წელს "სიმურგს" გაუჭირდა და თუ მართლა გამორჩეული ფეხბურთელი არაა, ახლა აზერბაიჯანში თითქმის აღარ იწვევენ", - გვითხრა ახალკაცმა.
