ფოთის "კოლხეთთან" მოახლოებული თამაშის წინ, "დინამოს" ოფიციალური ვებ-გვერდისთვის კომენტარი დინამოელთა ჩეხმა ლეგიონერმა, ირჟი ჰომოლამ გააკეთა.ირჟი ჰომოლა:"ბოლო ორი შეხვედრა გუნდმა შესანიშნავად ჩაატარა. "ტორპედოსთან" და გორის "დილასთან" "დინამომ" სასურველი ფეხბურთი აჩვენა.
მართალია ბოლო შეხვედრის მეორე ნახევარი შედარებით სუსტად ვითამაშეთ, თუმცა გუნდს აშკარად ეტყობა, რომ პროგრესირებს. ამ ბოლო დროს გუნდმა საგრძნობლად მოუმატა, დახვეწა სათამაშო სტილი და ეს სატურნირო ცხრილზეც აისახა. მსგავსი თამაშის საჩვენებლად კი დრო იყო საჭირო.
რაც შეეხება ჩემს გამოსვლას ერთს ვიტყოდი - ეს ფეხბურთია. დღეს კარგად ჩაატარებ შეხვედრას, მომავალში კი
ოთხშაბათს "ზესტაფონთან" გადადებული შეხვედრის გამართვა მოგვიწევს. მოქმედ ჩემპიონებთან სათამაშოდ მოედანზე სრული მობილიზაციით უნდა გავიდეთ და ყველაფერი გავაკეთოთ მოსაგებად, თუმცა წინ "კოლხეთთან" თამაში გვაქვს და მხოლოდ კვირას გასამართ შეხვედრაზე ვართ ორიენტირებულნი. ჩვენი მიზანი მორიგი სამი ქულის მოპოვება არის".
