"ზესტაფონთან" გასამართი მნიშვნელოვანი მატჩის წინ, "დინამოს" ესპანელმა მწვრთნელმა, ალექს გარსიამ, კლუბის ოფიციალური ვებ-გვერდისთვის მცირე კომენტარი გააკეთა. ალექს გარსია: "ხვალ მოქმედ ჩემპიონთან მეტად მნიშვნელოვანი და რთული შეხვედრა გველის. სამწუხაროა, რომ წინა მატჩი გადაიდო და მოსამზადებელ გეგმებში კორექტირების შეტანა მოგვიწია, მაგრამ გუნდი ამ დაპირისპირებისთვის ფსიქოლოგიურადაც და ფიზიკურადაც მზადაა. ამ შეხვედრაში ჩვენი მიზანი სამი ქულის მოპოვებაა".
"დინამოს" ფეხბურთელები ზესტაფონში დღეს გაემგზავრნენ. დისკვალიფიკაციის შემდეგ გუნდს ესპანელი ლეგიონერი კარლეს კოტო და გიორგი რეხვიაშვილი დაუბრუნდნენ. შეგახსენებთ, რომ "ზესტაფონისა" და "დინამოს" შორის მატჩი ხვალ 17:00 საათზე დაიწყება.
