ყოველ შემთხვევაში, თუ ეს ტრანსფერი განხორციელდა, ერთდროულად რამდენიმე მხარე დარჩება მოგებული: "დინამო" უაღრესად გამოცდილ ფეხბურთელს დაიმატებს, გუნდის შემტევი პოტენციალის გაძლიერება რომ ხელეწიფება; თვითონ მოთამაშისათვისაც სასარგებლო იქნება სათამაშო პრაქტიკის მიღება - მოსკოვის
"დინამოს" პოტენციურ და სახელოვან ახალწვეულზე უფრო დაწვრილებით "ლელოს" უახლოეს ნომრებში ვისაუბრებთ; მანამდე კი შეგახსენებთ, რომ თბილისის "დინამოში" უამრავი ინდივიდუალური და გუნდური ტიტულების მომგებ (1994-1998 წლებში) მუჯირს მართლაც ჩინებული უცხოური კარიერა ჰქონდა. ყოველ შემთხვევაში სადაც კი უთამაშია, ყველგან და ყოველთვიის იმ კლუბის ერთ-ერთი ლიდერი გახლდათ: მოლდოვურ "შერიფში", ავსტრიულ "შტურმში", რუსეთის "კრილია სოვეტოვში"; მუჯირის ბოლო გუნდი კი მოსკოვის "ლოკომოტივი" იყო, საიდანაც ქართველი ფეხბურთელი, ცოტა არ იყოს, სკანდალურად წამოვიდა. უფრო ზუსტად, რუსული კლუბის ხელმძღვანელობა დავით მუჯირს აშკარად უსამართლოდ მოექცა და კონტრაქტი ნაადრევად გაუწყვიტა.
