6 მარტს საბოლოოდ გაირკვა პირველი ლიგის იმ ოთხი გუნდის ვინაობა, მომავალი კვირიდან ახალ ტურნირში რომ ჩაებმება.შეგახსენებთ, რომ უმაღლეს ლიგაში IX-XII ადგილებზე გასული ოთხი გუნდი და პირველი ლიგის ოთხი საუკეთესო გუნდი ახალ, ორწრიან ტურნირს დაიწყებს, რომლის დამთავრების შემდეგაც ოთხი საუკეთესო გუნდი მომავალ სეზონში უძლიერესთა შორის იასპარეზებს, დანარჩენ ოთხს კი პირველ ლიგაში მოუწევს გამოსვლა.
პირველი ლიგის ოთხი საგზურიდან ვაკანტური მხოლოდ ერთადერთიღა იყო, რადგან საჩხერის "ჩიხურამ", ბათუმის "დინამომ" და ლანჩხუთის "გურიამ" ვადამდე გაინაღდეს გადასასვლელ ტურნირში მონაწილეობის უფლება. იმ ერთადერთ ვაკანტურ ადგილზე კი
"ჭიათურამ" სტუმრად ვერ შეძლო თბილისის "ლოკომოტივის" დამარცხება (შეხვედრა ფრედ, 2:2 დამთავრდა) და ოზურგეთის "მერცხალსაც" უკვე ვეღარანაირად ვეღარ დაეწევა.
ასე და ამრიგად, საჩხერის "ჩიხურა", ბათუმის "დინამო", ლანჩხუთის "გურია" და ოზურგეთის "მერცხალი" მეტოქეების მოლოდინში არიან (ორი უკვე ცნობილია - "გაგრა" და "სიონი") და სხვადასხვახნიანი პაუზის მერე უმაღლეს ლიგაში დაბრუნებაზეც სერიოზულად ფიქრობენ. მით უფრო, რომ ამ რვაგუნდიან "გადასასვლელ ტურნირში" ყველა ერთნაირ პირობებში იქნება - რვავე გუნდი გათამაშებას ნული ქულით დაიწყებს!
პირველი ლიგა. XVIII ტური
ა ზონა
დინამო (ბათუმი) - კოლხეთი (ხობი) 0:0
ლოკომოტივი (თბილისი) - ჭიათურა 2:2
სტუ (თბილისი) - მესხეთი 3:2
7 მარტი, 15:00 სთ
სამტრედია - მეშახტე (ტყიბული)
ჩხერიმელა (ხარაგაული) - მერცხალი (ოზურგეთი)
ბ ზონა
7 მარტი, 15:00 სთ
აეტი (სოხუმი) - სულორი (ვანი)
8 მარტი, 15:00 სთ
იმერეთი(ხონი) - ადელი (ბათუმი)
სამგურალი (წყალტუბო) - გურია (ლანჩხუთი)
ჩიხურა (საჩხერე) - ნ. დინამოელი (თბილისი)
სქური (წალენჯიხა) - ზოოვეტი (თბილისი)
ყოველდღიური სპორტული გაზეთი "ლელო"
