დასავლეთ საქართველოში თოვლის სახით მოსული უხვი ნალექის გამო, "ტორპედოსა" და "მერანს" შორის 12 მარტს გასამართი შეხვედრა გაურკვეველი დროით გადაიდო. ამ დროისათვის ქუთაისის ცენტრალურ სტადიონზე თოვლის სისქე დაახლოებით 30 სანტიმეტრს აღწევს. რაც შეეხება მომდევნო კალენდარულ მატჩს, წესით "მერანს" 16 მარტს საკუთარ მოედანზე თბილისის "დინამოსთან" უნდა ეთამაშა, თუმცა ზემოაღნიშნულ მიზეზთა გამო, შეხვედრა არა მარტვილში, არამედ თბილისში გაიმართება. ბორის პაიჭაძის სახელობის სტადიონზე პაექრობა ხუთშაბათს 18:00 საათზე დაიწყება.
fcmerani.ge
