16.03. მცხეთა. მცხეთა პარკი. 100 მაყურებელივიტ ჯორჯია-სპარტაკი 1:0
1:0 კუხალეიშვილი (90. ჩიმაკაძის პასით)
ვიტ ჯორჯია სპარტაკი
4-2-3-1 4-4-2
რეჭია ნადირაძე
დ. ხურცილავა ჭაფოძე
გოგიაშვილი ტეტუნაშვილი
კასრაძე ლომაია
ღანიაშვილი ნ. მაისურაძე
ვასაძე შარაშენიძე
გურ. გურეშიძე მაჭავარიანი
კორიფაძე ჩივაძე
გ. ჯანელიძე გიორგი გურეშიძე
ზაქრაძე გაბაშვილი
ჩიმაკაძე ლ. მელქაძე
მწვრთნელი მწვრთნელი
მ. კოჭლაშვილი ვ. ხაჩიძე
ვიტ ჯორჯია
65. ზაქრაძე - კუხალეიშვილი
90. ჯანელიძე - დავლაშელიძე
სათადარიგოები: დაუშვილი, ვ. ხურცილავა, ჯაყელი, ვაშაკიძე, ჯუღელი
სპარტაკი
70. ჩივაძე - სამხარაძე
80. გაბაშვილი - ჩაფიძე
სათადარიგოები: ბერია, გელაშვილი, მ. ჯიშკარიანი, მამუჩიშვილი, თუხარელი
გაფრთხილება: კასრაძე (23), შარაშენიძე (90+2)
არბიტრი: ლ. სილაგავა
პლეი აუტში
"ვიტ ჯორჯიასა" და ცხინვალის "სპარტაკის" შეხვედრა მასპინძელთა ტერიტორიული უპირატესობით დაიწყო, თუმცა საწყის წუთებში უფრო მწვავე მომენტები "სპარტაკის" ფეხბურთელებმა შექმნეს: ლევან მელქაძის შესანიშნავი გადაცემის შემდეგ მეკარესთან დარჩენილ კოსტანტინე გაბაშვილს შეეძლო გატანა, თუმცა მიზანმა უმტყუნა.
მოგვიანებით კი თვითონ მელქაძე და ზაქრაძე შეეცადნენ შორი მანძილიდან ფონს გასვლას, თუმცა მათ დარტყმებს შედეგი არ მოჰყოლია.
აი, ამის შემდეგ "ვიტ ჯორჯიას" უპირატესობა ნათლად გამოიკვეთა. აქტიური გიორგი კორიფაძის სტანდარტულს გუნდის ცენტრალურმა მცველმა ჯემალ გოგიაშვილმა შეაგება თავი, ბურთი მცირედით აცდა გიორგი ნადირაძის კარს. გატანის ჩინებული შანსი ქარს გაატანა ბექა ზაქრაძემაც.
გულხელდაკრეფილები არც სტუმრები იყვნენ, კონტრშეტევებით რომ ცდილობდნენ მოწინააღმდეგის კარის აღებას, მაგრამ კართან მისვლა უჭირდათ. მათ ერთ-ერთი დასამახსოვრებელი მომენტი ტაიმის ბოლოსკენ შეექმნათ, როდესაც თეიმურაზ შარაშენიძის კუთხურიდან ჩამოწოდებულ ბურთს გაბაშვილი გამოეხმაურა, დარტყმა ოდნავ არაზუსტი გამოუვიდა.
მეორე ნახევარში ვიტელთა უპირატესობა კიდევ უფრო გამოიკვეთა. გიორგი კორიფაძესა და რევაზ ღანიაშვილს მიჯრით შეეძლოთ გოლის გატანა - მათ დარტყმებს სიზუსტე დააკლდათ.
ბოლოსკენ "ვიტ ჯორჯიას" ფეხბურთელები დიდი ძალებით წავიდნენ წინ: ჯანელიძის, ღანიაშვილისა და ჩიმაკაძის გააზრებული კომბინაცია ამ უკანასკნელის არაზუსტი დარტყმით დასრულდა. აქვე ვთქვათ ისიც, რომ 89-ე წუთზე მასპინძელთა მცველების უხეში შეცდომის შედეგად ბურთი თეიმურაზ შარაშენიძეს მიუვიდა, რომელმაც მართალია, ძლიერად დაარტყა, თუმცა ბურთმა სანტიმეტრებით ჩაუქროლა მეტოქის კარს.
შეიძლება თამამად ვთქვათ, რომ მერაბ კოჭლაშვილმა შეცვლა გამოიცნო: მატჩის უკანასკნელ წუთს მასპინძელთა სამსვლიანი კომბინაცია, რომელსაც სათავე გურამ გურეშიძემ დაუდო და ბესიკ ჩიმაკაძემ განაგრძო, შეცვლაზე შემოსული ლევან კუხალეიშვილის ზუსტი დარტყმით დასრულდა.
მიმდინარე ჩემპიონატის დასრულებამდე დიდი დროა დარჩენილი, მაგრამ თუ რამე გაუთვალისწინებელი არ მოხდა, "ვიტ ჯორჯიამ" უპრობლემოდ უნდა მოახერხოს უმაღლეს ლიგაში ადგილის შენარჩუნება.
მატჩის შემდეგ
მერაბ კოჭლაშვილი ("ვიტ ჯორჯია"): "მთელი მატჩის განმავლობაში მოედანზე ჩვენ ვდომინირებდით, შევქმენით რამდენიმე რეალური მომენტიც, თუმცა ბოლო წამამდე არ გაგვიმართლა. დაფიქსირებული შედეგი სავსებით ლოგიკური მიმაჩნია. მთავარი ბრძოლები წინ გვაქვს, ჩვენი მიზანი უმაღლეს ლიგაში დაბრუნებაა და საამისოდ ყველაფერს გავაკეთებთ".
ვლადიმერ ხაჩიძე ("სპარტაკი"): სხვადასხვა მიმეზის გამო გვაკლდა ძირითადის რამდენიმე მოთამაშე, გარდა ამისა, მეორე ტაიმში ფიზიკური დაღლა დაგვეტყო, რამაც საბოლოო შედეგზე მოახდინა გავლენა. დასანანი მარცხი ვიწვნიეთ, ვეცდებით ნაკლოვანებები უახლოესი თამაშებისთის აღმოფხვრათ."
ყოველდღიური სპორტული გაზეთი "ლელო"
