საქართველოს მოქმედი ჩემპიონის, "ზესტაფონის" პრეზიდენტი ილია კოკაია საზოგადოების წინაშე საგანგებო განცხადებით წარსდგა.კოკაია აპროტესტებს საქართველოს ფეხბურთის ფედერაციის გადაწყვეტილებას, რომლის მიხედვით, ჩემპიონატის სატურნირო ცხრილის სათავეში თანაბარი ქულების რაოდენობით პირველ ადგილზე რუსთავის "მეტალურგი" იმყოფება და არა "ზესტაფონი".
შეგახსენებთ, რომ "ზესტაფონსა" და რუსთავის "მეტალურგს" პლეი ოფის სატურნირო ცხრილში ერთნაირი ქულების რაოდენობა - 52-52 კი აქვთ, თუმცა რუსთაველთა ანგარიშზე პლეი ოფის ცხრილში, ზესტაფონელებთან შედარებით, ერთი გამარჯვებით მეტია. სამაგიეროდ, "ზესტაფონი" მოგებათა რაოდენობით "მეტალურგს" მთლიანი ჩემპიონატის მიხედვით სჯობნის.
კოკაიას განცხადებით, "ზესტაფონი" ექვემდებარება რეგლამენტს, სადაც წერია, რომ
"ზესტაფონის" პრეზიდენტის თქმით, იმ შემთხვევაში, თუ ბოლო ტურის შემდეგ გუნდებს კვლავ თანაბარი ქულების რაოდენობა ექნებათ და საქართველოს ფეხბურთის ფედერაცია 2011-12 წლების საქართველოს ეროვნული პირველობის გამარჯვებულად "მეტალურგს" გამოაცხადებს, მაშინ "ზესტაფონი" გამარჯვებულად "ზესტაფონს" გამოაცხადებს.
სფფ. ჩემპიონატის ჩატარების პირობები
4.4 უმაღლეს, პირველ და დუბლების ჩემპიონატში თანაბარი ქულების დაგროვების შემთხვევაში ადგილები გაირკვევა შემდეგი პრიორიტეტული პრინციპით:
4.4.1. ჩემპიონატში მოგებათა მეტი რაოდენობა;
4.4.2. უშუალოდ, ერთმანეთში შეხვედრების შედეგები (ქულათა რაოდენობა და შემდეგ ბურთების უკეთესი სხვაობა. ბურთების ერთნაირი სხვაობის შემთხვევაში უპირატესობა მიენიჭება გუნდს, რომელსაც ერთმანეთთან შეხვედრებში სტუმრად მეტი გოლი აქვს გატანილი);
4.4.3. ჩემპიონატში გატანილი და მიღებული ბურთების უკეთესი სხვაობა;
4.4.4. ჩემპიონატში გატანილი გოლების მეტი რაოდენობა;
4.4.5. ჩემპიონატში სტუმრად გატანილი გოლების მეტი რაოდენობა;
4.4.6. ფეარ-ფლეის შედეგები (ყველა მატჩზე დელეგატის მიერ შევსებული გუნდებისა და მოთამაშეების ფეარ-ფლეის პრინციპების შეფასების გათვალისწინებით).
4.4.7. თუ გუნდებს ეს მაჩვენებელიც თანაბარი აღმოაჩნდებათ, ადგილების გამოსავლენად მოეწყობა კენჭისყრა.
ასევე იხილეთ
დიდი დავიდარაბა - ვინ არის საქართველოს ჩემპიონატის ლიდერი და ვინ დამნაშავე?
