მოლოდინი იმისი, რომ მატჩი დაძაბული და სანახაობრივი იქნებოდა, გამართლდა. მასპინძელთა შემტევ სათამაშო ტაქტიკას შეროზიამ ოდნავ ფრთხილი სქემა დაუპირისპირა. დაპირებისამებრ, ქომეთიანმა ძირითად შემადგენლობაში კორექტივები შეიტანა - გუგუჩია-აკობიას გამორჩეული ტანდემი ლომია-ახალაიათი ჩაანაცვლა, რითიც შეტევებს მეტი
პირველივე წუთებიდან ორმხრივი იერიშები გაჩაღდა. ფოთელებს დიდი დრო არ დასჭირვებიათ ანგარიშის გასახსნელად - ციცხვაია-სიჭინავას კომბინაცია ამ უკანასკნელმა ძლიერი დარტყმითა და ლამაზი გოლით დაასრულა.
სტუმართა სწრაფ გოლს ყველაზე ნაკლებად მასპინძლები ელოდნენ. ზუგდიდელები შეტევაზე გადავიდნენ. მეკარე შენგელიასთან პირისპირ დარჩენილ ლომიას სიზუსტე არ ეყო, შემდეგ შორიდან დაარტყა გოგობერიშვილმა, რასაც კოლხთა მეკარემ სწრაფი რეაქცია დაუპირისპირა.
ზუგდიდელთა მწვავე შეტევების ორგანიზატორი წურწუმია გახლდათ. თუმცა მეგრელაძემ მისი გადაცემებით ვერ ისარგებლა - შენგელიამ ჯერ მისი თავური მოიგერია, ხოლო ცოტა ხანში ბურთი სანტიმეტრებში ასცდა ხარიხა. "ბაიას" უპირატესობა კი ჰქონდა, მაგრამ ფოთელებმა სცენარი კინაღამ საპირისპიროდ შეატრიალეს - სილაგავამ ზუსტად გამოიცნო ფოთელთა გამორჩეული ფორვარდის სიჭინავას მოძრაობა და კარგადაც გადააწოდა, მაგრამ მეკარე ზუხბაიამ ბურთი "ცხრიანიდან" მოხსნა.
პირველი ტაიმის მიწურულს კვლავ წურწუმიამ სცადა ინდივიდუალურად ვითარების შეცვლა - ორ მეურვეს გასცდა და მეგრელაძეს ზუსტად გადააწოდა, მაგრამ "ბაიას" ფორვარდმა ანგარიშის შეცვლა ვერ მოახერხა...
სამაგიეროდ, მან ეს 71-ე წუთზე შეძლო, როცა "კოლხეთს" ეფექტური გოლი გაუტანა. ამან სათამაშო სურათიც მთლად მასპინძელთა სასარგებლოდ შეცვალა. სტუმრებს ცენტრზე კონტროლი მთლიანად დაკარგეს. თამაშის დასალაგებლად "კოლხეთს" ვერც დაცვის ხაზის გამაგრებამ უშველა, თუმც უკანახაზელებს "ბაიას" მეორე გოლში ვერავინ დაადანაშაულებს - საბოლოო წერტილი საქართველოს ნაკრების დებიუტანტმა, 18 წლის ნიკა კვეკვესკირმა დასვა, თან - საუცხოო გოლით (მისთვის პირველია ამ სეზონში), როცა დაახლოებით 35 მეტრიდან შენგელიას აუღებელი დაურტყა და თავისიანებს მნიშვნელოვანი 3 ქულა მოუტანა.
მატჩის შემდეგ
ბესიკ შეროზია (კოლხეთი): "ვიცოდი, რომ რთული შეხვედრა იქნებოდა და ბიჭებს გარკვეული დავალებები მივეცი, რაც პირველ ნახევარში უნაკლოდ შეასრულეს და ეს შედეგშიც აისახა. მეორე ნახევარში "ბაია" თამაშს რომ გაამწვავებდა, ეჭვგარეშე იყო და მასპინძლებმა ტერიტორიული უპირატესობა, ფაქტობრივად, წაგვართვეს. გვქონდა მომენტები, მაგრამ ეს უკვე აღარაფერს ცვლის. ხაზგასმით მინდა აღვნიშნო, რომ მაყურებელმა დღეს სანახაობრივი ფეხბურთი იხილა".
ელგუჯა ქომეთიანი (ბაია): "დავეთანხმები კოლეგას და ვიტყვი, რომ საქართველოს ჩემპიონატის კვალობაზე ერთ-ერთი საინტერესო შეხვედრა გაიმართა. პირველი ტაიმი ცოტა ჩაგვივარდა და ვერ გამოვასწორეთ სათამაშო სურათი, თუმცა მთლიანობაში დღევანდელი შედეგი ლოგიკურად მიმაჩნია".
ბაია 2
კოლხეთი 1
29.09. ზუგდიდი. გ. თუთბერიძე. 1 300 მაყურებელი
0:1 სიჭინავა (18), 1:1 მეგრელაძე (71), 2:0 კვეკვესკირი (81)
ბაია კოლხეთი
4-4-2 4-4-1-1
ზუხბაია შენგელია
კვეკვესკირი ჭითანავა
ჭიჭვეიშვილი მახვილაძე
კვესეიშვილი გვალია
ონიანი გველესიანი
წურწუმია სილაგავა
ჩხეტიანი თედიაშვილი
გოგობერიშვილი ჯოჯუა
ლომია სიჭინავა
ახალაია ციცხვაია
მეგრელაძე ჯიქია
ბაია
64. ლომია - დოლიძე
75. წურწუმია - გუგუჩია
82. ახალაია - სიხარულია
სათადარიგოები: ზარქუა, აკობია, ხიდეშელი, ეხვაია
კოლხეთი
83. ჯიქია - ცხვიტარია
85. სილაგავა - ექონია
90. გვალია - წიქარიშვილი
სათადარიგოები: სტურუა, ბუკია, ლემონჯავა, გოგონაია
გაფრთხილება: წურწუმია (55), ჭიჭვეიშვილი (62), გველესიანი (69), მახვილაძე (73), შენგელია (89), მეგრელაძე (89), გუგუჩია (90)
არბიტრი: გ. ვადაჭკორია
ლაშა გოგილავა
ზუგდიდიდან
