11 ნოემბერს, საქართველოს ჩემპიონატის უმაღლესი ლიგის XIV ტურის შეხვედრები გაიმართება. ტურის ყველაზე საინტერესო და დაძაბულ შეხვედრას ზესტაფონის დავით აბაშიძის სახელობის სტადიონზე ველით, სადაც მორიგი იმერული დერბი - "ზესტაფონისა" და ქუთაისის "ტორპედოს" დაპირისპირება გაიმართება.
შეგახსენებთ, რომ მიმდინარე ჩემპიონატში მოქმედ ჩემპიონთან პირველ მატჩში ქუთათურებმა მეტოქე შინ, ბოლო წუთზე გატანილი გიორგი დათუნაიშვილის გოლით დაამარცხეს.
აღსანიშნავია, რომ მას შემდეგ "ზესტაფონში" მნიშვნელოვანი საკადრო ცვლილება მოხდა - გია ჭიაბრიშვილის ნაცვლად ზემოიმერულ გუნდს დავით მუჯირისა და ზაზა ზამთარაძის დუეტი ჩაუდგა სათავეში (მათი მწვრთნელობით გუნდმა 9 თამაშიდან 5
ეროვნული ჩემპიონატის შეხვედრებში, საფეხბურთო კლუბ "ზესტაფონსა" და ქუთაისის "ტორპედოს" ერთმანეთში 17-ჯერ უასპარეზიათ. აქედან 8 შეხვედრაში გაიმარჯვეს ზესტაფონელებმა, 4 დასრულდა ფრედ, 5 კი მოიგეს ქუთაისელებმა.
გატანილი და გაშვებული ბურთების სხვაობაში ზემოიმერელი ფეხბურთელები მინიმალურ უპირატესობას ფლობენ - 17:16.
"ზესტაფონი"-"ტორპედოს" შეხვედრა 18:00 საათზე დაიწყება. ამ მატჩის პირდაპირი ტელერეპორტაჟი საზოგადოებრივი მაუწყებლის "პირველ არხზე" გადაიცემა.
თავ-თავიანთი მატჩების მოგება არ უნდა გაუჭირდეთ სატურნირო ცხრილის ლიდერ თბილისის "დინამოს" და მის კვალში ჩამდგარ გორის "დილას".
დუშან უჰრინის გუნდი შინ ბათუმის "დინამოს" ხვდება, გიორგი დარასელიას შეგირდები კი, რომლებმაც ზედიზედ ცხრა შეხვედრაში იმარჯვეს, ბოლნისში "სიონთან" შეეცდებიან მოგებათა სერიის "დამრგვალებას".
ბრძოლას უნდა ველოდოთ "ჩიხურა"-"ვიტ ჯორჯიასა" და "ზუგდიდი"-"კოლხეთის" მატჩებში, ისევე როგორც მარტვილურ შეხვედრაში, სადაც "მერანი" მისთვის აქამდე დაუმარცხებელ რუსთავის "მეტალურგს" უმასპინძლებს. ცნობისთვის, აქამდე გამართულ ხუთივე შეხვედრაში გამარჯვება რუსთავურ გუნდს დარჩა.
სატურნირო ცხრილი
| ა | გუნდი | თ | მ | ფ | წ | ბ | ქ |
| 1 | დინამო (თბ) | 13 | 9 | 3 | 1 | 36-10 | 30 |
| 2 | დილა | 13 | 9 | 1 | 3 | 22-8 | 28 |
| 3 | ტორპედო | 13 | 8 | 2 | 3 | 29-12 | 26 |
| 4 | ზუგდიდი | 13 | 6 | 5 | 2 | 18-9 | 23 |
| 5 | ჩიხურა | 13 | 7 | 2 | 4 |
17-14 |
23 |
| 6 | ზესტაფონი | 13 | 6 | 3 | 4 | 16-9 | 21 |
| 7 | მეტალურგი | 13 | 5 | 1 | 7 | 9-18 | 16 |
| 8 | ვიტ ჯორჯია | 13 | 4 | 3 | 6 | 10-16 | 15 |
| 9 | მერანი | 13 | 4 | 1 | 8 | 7-23 | 13 |
| 10 | სიონი | 13 | 3 |
4 |
6 |
11-20 | 13 |
| 11 | დინამო (ბთ) | 13 | 2 | 2 |
9 | 10-26 | 8 |
| 12 | კოლხეთი | 13 | 0 | 3 | 10 | 5-25 | 3 |
11 ნოემბერს, საქართველოს ჩემპიონატის უმაღლესი ლიგის XIV ტურის შეხვედრები გაიმართება
