თბილისის "დინამომ" ქულები დაკარგა, გორის "დილამ" მოიგო [VIDEO]

28 ნოემბერს საქართველოს XXIV-ე ჩემპიონატის მე-17 ტურის მატჩები გაიმართა.

"სიონმა" ბოლნისში მარტვილის "მერანს" უმასპინძლა და ანგარიშით 2:1 დაამარცხა. მე-6 წუთზე ანგარიში ვილი ისიანმა გახსნა, ხოლო გიორგი ჭედიამ 55-ე წუთზე უპირატესობა ორამდე გაზარდა. 87-ე წუთზე მარტვილელთაგან საბა ლომია გამოირჩა.

საჩხერის "ჩიხურამ" "ზუგდიდი" მიიღო. მე-40 წუთზე მასპინძლები დავით ოდიკაძემ დააწინაურა. 64-ე წუთზე კი დავით კირკიტაძემაც გაიტანა და საბოლოო ანგარიში დააფიქსირა - 2:0.

რუსთავის "მეტალურგი" სტუმრად ფოთის "კოლხეთს" დაუპირისპირდა და ანგარიშით 3:2 დაამარცხა. 25-ე წუთზე ირაკლი სიხარულიძემ რუსთაველები წინ გაიყვანა. 33-ე წუთზე კი მასპინძლებმა ანგარიშის გათანაბრება ინწკირველის ავტოგოლით შეძლეს.

57-ე წუთზე პავლე დათუნაიშვილმა "კოლხეთი" დააწინაურა. 61-წუთზე ამჯერად რუსთაველებმა გაათანაბრეს - დუბლი სიხარულიძემ გაიფორმა. გამარჯვების გოლი საკუთარ ანგარიშზე მეტალურგელთა ფორვარდმა დიმიტრი ტატანაშვილმა ჩაიწერა.

სტუმრად მოიგო შეხვედრა ქუთაისის "ტორპედომაც", რომელიც ბათუმის "დინამოს" ხვდებოდა. 25-ე და 53-ე წუთებზე გიორგი დათუნაიშვილი და ბექა ტუღუში გამოირჩნენ - 2:0.

სატურნირო ცხრილის ლიდერმა თბილისის "დინამომ" "ვიტ ჯორჯიასთან" გასვლითი მატჩი ფრედ, ანგარიშით 1:1 დაასრულა. მე-4 წუთზე ჩისკომ გაიტანა, მე-17 წუთზე კი ლაშა გაბრიჩიძემ გაათანაბრა.



"დინამოსთან" მარცხის შემდეგ რეაბილიტაცია მოახდინა გორის "დილამ", რომელმაც საკუთარ მოედანზე გიორგი ონიანის გოლით საქართველოს მოქმედი ჩემპიონი "ზესტაფონი" დაამარცხა.



სატურნირო ცხრილი

ა	გუნდი	თ	მ	ფ	წ	ბ	ქ
1	დინამო (თბ)	17	12	4	1	47-14	40
2	დილა	17	12	1	4	28-11	37
3	ჩიხურა	17	11	2	4	27-14	35
4	ტორპედო	17	10	2	5	32-16	32
5	ზუგდიდი	17	8	5	4	21-14	29
6	ზესტაფონი	17	8	4	5	22-14	28
7	მეტალურგი	17	7	2	8	14-22	23
8	მერანი	17	5	2	10	11-26	17
9	ვიტ ჯორჯია	17	4	5	8	11-23	17
10	სიონი	17	4	5	8	13-26	17
11	დინამო (ბთ)	17	2	3	12	17-38	9
12	კოლხეთი	17	0	3	14	8-33	3