სპარტაკი-კოლხეთი (ხობი) 2:1 - თვალსასეირო თამაში

5 დეკემბერს პირ­ვე­ლი ლი­გის "ბ" ჯგუ­ფის ლი­დე­რე­ბი ხვდე­ბოდ­ნენ ერ­თ­მა­ნეთს და ური­გო ბურ­თა­ო­ბა რო­დი გა­ა­ჩა­ღეს. ცხინ­ვა­ლის "სპარ­ტა­კი" მე­ტო­ქე­ზე უკეთ გა­მო­ი­ყუ­რე­ბო­და და უახ­ლო­ეს მდე­ვარ­თან სხვა­ო­ბა კი­დევ სა­მი ქუ­ლით გა­ზარ­და.

წი­ნა სე­ზონ­ში "სპარ­ტა­კი" უმაღ­ლეს ლი­გა­ში თა­მა­შობ­და და ახ­ლოს არის იმ დი­ნა­მი­კას­თან, რაც უმაღ­ლეს ლი­გას გა­ნას­ხ­ვა­ვებს პირ­ვე­ლის­გან. "სპარ­ტა­კი" უფ­რო სწრა­ფად და სხარ­ტად მოქ­მე­დებ­და, თუმ­ცა ეს იმას არ ნიშ­ნავს, რომ ხო­ბე­ლე­ბი უშან­სოდ იყ­ვ­ნენ.

შეხ­ვედ­რის და­საწყის­ში "სპარ­ტაკ­მა" მე­ტო­ქეს ტყვი­ამ­ფ­რ­ქ­ვე­ვის ჯე­რი­ვით მი­ა­ყა­რა სა­ხი­ფა­თო მო­მენ­ტე­ბი. ხო­ბე­ლი მცვე­ლის შეც­დო­მით ვარ­ლამ კი­ლა­სო­ნია აღ­მოჩ­ნ­და სა­გო­ლე პო­ზი­ცი­ა­ზე, მი­სი დარ­ტყ­მა კი მალ­ხაზ ძი­ძი­გურ­მა კუთხურ­ზე მო­ი­გე­რია.

ნა­კუთხუ­რალ ბურთს და­ვით გე­ლაშ­ვილ­მა შე­ა­გე­ბა თა­ვუ­რი და ისევ "კოლ­ხე­თის" მე­კა­რემ იმარ­ჯ­ვა.

თე­ი­მუ­რაზ შო­ნი­ას შო­რე­უ­ლი დარ­ტყ­მა ძი­ძი­გურ­მა კუთხურ­ზე მო­ი­გე­რია. ნა­კუთხუ­რალ ბურ­თ­ზე ყვე­ლას ზვი­ად მეტ­რე­ველ­მა აჯო­ბა და "კოლ­ხე­თი" ძელ­მა იხ­ს­ნა.

ისე­თი სუ­რა­თი შე­იქ­მ­ნა, რომ ერ­თი გუნ­დი მე­ო­რეს მნიშ­ვ­ნე­ლო­ვნად აღე­მა­ტე­ბო­და. სტუმ­რებს ბურ­თ­ზე კონ­ტ­რო­ლი უჭირ­დათ, შე­ტე­ვა­ში არა­ფე­რი გა­მოს­დი­ო­დათ და თავს არ­ც­თუ კარ­გად იცავ­დ­ნენ, მაგ­რამ ყვე­ლა­ფე­რი მათ­და სა­სი­კე­თოდ შეტ­რი­ალ­და - "სპარ­ტა­კის" კა­რის­კენ ზურ­გით მდგომ­მა და­ვით ციცხ­ვა­ი­ამ მყი­სი­ე­რად და­ა­მუ­შა­ვა ბურ­თი, მე­ა­თედ წა­მებ­ში მოტ­რი­ალ­და და კარ­ში და­არ­ტყა.

მას­პინ­ძელ­თა კი­პე­რი გი­ორ­გი ნა­დი­რა­ძე ნამ­დ­ვი­ლად არ ელო­და ციცხ­ვა­ი­ას ასეთ ტრი­უკს. რე­აქ­ცია კი მო­ას­წ­რო, მაგ­რამ კა­რი მა­ინც ვერ იხ­ს­ნა - 0:1.

ვინ იცის, რო­გორ გან­ვი­თარ­დე­ბო­და მოვ­ლე­ნე­ბი, "სპარ­ტაკს" მა­ლე­ვე რომ არ გა­ე­თა­ნაბ­რე­ბი­ნა ან­გა­რი­ში. უჩა ბურ­ძე­ნა­ძემ შო­რი­დან და­არ­ტყა, ძი­ძი­გუ­რი შეც­და და - 1:1.

ტა­ი­მის ბო­ლოს "კოლ­ხეთს" ხელ­მე­ო­რედ შე­ეძ­ლო "სპარ­ტა­კის" დამ­წუხ­რე­ბა - ფლან­გუ­რი ჯა­რი­მის შემ­დეგ ვაგ­ნერ ფირ­ცხა­ლა­ვა ურ­ტყამ­და სა­ხი­ფა­თოდ, ბურ­თი ოდ­ნავ ააცი­ლა მი­ზანს.

სპარ­ტა­კელ­თა თავ­დამ­ს­ხ­მელ­მა მეტ­რე­ველ­მა კი ოცი­ო­დე მეტ­რი­დან ძი­ძი­გუ­რის ხე­ლე­ბის­კენ გაგ­ზავ­ნა ბურ­თი - პირ­ველ ტა­იმ­ში სულ ეს იყო.

შეს­ვე­ნე­ბის შემ­დე­გაც თვალ­სა­სე­ი­რო თა­მა­ში წა­ვი­და. ფეხ­მალ­მა თორ­ნი­კე თუ­ხა­რელ­მა მარ­ჯ­ვე­ნა ფლან­გ­ზე იჩა­უ­ქა, კა­რის გას­წ­ვ­რივ ისე ჩა­ა­წო­და, რომ კი­ლა­სო­ნი­ას მე­კა­რი­სა­გან მი­ტო­ვე­ბულ კუთხე­ში მო­უ­წია ახ­ლო­დან ბურ­თის გა­დაგ­ზავ­ნა - 2:1.

ამის შემ­დეგ მეტ­რე­ვე­ლი ორ­ჯერ ურ­ტყამ­და სა­ხი­ფა­თოდ სა­შუ­ა­ლო დის­ტან­ცი­ი­დან - ჯერ მი­ზა­ნი ვერ გა­ის­წო­რა, მე­რე კი ძი­ძი­გუ­რის ხე­ლებს შე­აწყ­ვი­ტა ბურ­თი.

ტე­რი­ტო­რი­ულ უპი­რა­ტე­სო­ბას "სპარ­ტა­კი" კი ფლობ­და, მაგ­რამ "კოლ­ხეთ­მა" ორ­ჯერ მო­ა­ხერ­ხა სა­გო­ლე მო­მენ­ტის შექ­მ­ნა: სა­ჯა­რი­მო­ში შეჭ­რილ ფირ­ცხა­ლა­ვას ფე­ხებ­ში ნა­დი­რა­ძე ჩა­უხ­ტა და ხი­ფა­თი გა­ა­უვ­ნებ­ლა, ლე­ვან გო­გე­ნი­ამ კი კა­რი­დან გა­მო­სულ ნა­დი­რა­ძეს და­ას­წ­რო თა­ვით, მაგ­რამ ბურ­თი ხა­რი­ხას გა­და­ავ­ლო.

ვინც "ბენ­დე­ლა­ზე" მო­ვი­და, საქ­მე მო­საწყე­ნად ნამ­დ­ვი­ლად არ ჰქო­ნია.

ყოველდღიური სპორტული გაზეთი "ლელო"