11 დეკემბერს ივანწმინდაში, "ჩიხურასა" და "ზესტაფონს" შორის, საქართველოს ჩემპიონატის უმაღლესი ლიგის XIX ტურის გადადებული მატჩი გაიმართება. შეგახსენებთ, ეს შეხვედრა "ზესტაფონის" ბანაკში მომხდარი არასასიამოვნო ამბების გამო გადაიდო.
ფეროელები მთავარი მწვრთნელების, დავით მუჯირისა და ზაზა ზამთარაძის გარეშე დარჩნენ. როგორც იცით, "ზესტაფონს" დროებით გიორგი მიქაძე უხელმძღვანელებს, რომელიც აქამდე კლუბის დუბლშემადგენლობაში მუშაობდა.
სავარაუდოდ, ჩემპიონატის პირველ ეტაპს საქართველოს მოქმედი ჩემპიონი სწორედ მისი ხელმძღვანელობით ჩაამთავრებს და "ზესტაფონის" ახალი მთავარი მწვრთნელის ვინაობაც სწორედ ამის შემდეგ გახდება ცნობილი.
შევიტყვეთ ისიც, რომ 11 დეკემბერს "ზესტაფონი" მთელი რიგი წამყვანი ფეხბურთელების
გამონაკლისი მხოლოდ მთავარი გუნდის რამდენიმე ახალგაზრდა წევრი და ლეგიონერები, პატრიკ მილხრაუმი, იგორ იელიჩი და ბოტი გოა დემელი არიან.
"ზესტაფონი" უმაღლესი ლიგის სატურნირო ცხრილში დღეისთვის მეექვსე ადგილზეა და მდევარ "მეტალურგს" ორი ქულით უსწრებს. ამასთანავე, კონკურენტზე ერთი მატჩით ნაკლები აქვს ჩატარებული.
ამის მიუხედავად, "ზესტაფონის" ზეექვსეულში მოხვედრა ბოლოდროინდელმა მოვლენებმა სათუო გახადა.
საქართველოს ჩემპიონატი. უმაღლესი ლიგა. XIX ტური
სიონი-დინამო 0:5 - ლიდერის მორიგი გასეირნება [VIDEO]
დილა-ტორპედო 0:1 - მარცხი და აურზაური გორში [VIDEO]
კოლხეთი-დინამო (ბთ) 1:2 - გურული მწვრთნელია თუ მსაჯი? [VIDEO]
ვიტ ჯორჯია-მეტალურგი 0:1 - ბოლო იმედის ქულები
ზუგდიდი-მერანი 3:2 - ზუგდიდელებს სიხარული სიხარულიამ მოუტანა
სატურნირო ცხრილი
| ა | გუნდი | თ | მ | ფ | წ | ბ | ქ |
| 1 | დინამო (თბ) | 19 | 14 | 4 | 1 | 57-16 | 46 |
| 2 | დილა | 19 | 13 | 1 | 5 | 30-12 | 40 |
| 3 | ტორპედო | 19 | 12 | 2 | 5 | 35-17 | 38 |
| 4 | ჩიხურა | 18 | 11 | 2 | 5 | 29-19 | 35 |
| 5 | ზუგდიდი | 19 | 10 | 5 | 4 | 26-16 | 35 |
| 6 | ზესტაფონი | 18 | 8 | 4 | 6 | 23-16 | 28 |
| 7 | მეტალურგი | 19 | 8 | 2 | 9 | 15-24 | 26 |
| 8 | მერანი | 19 | 6 | 2 | 11 | 16-30 | 20 |
| 9 | ვიტ ჯორჯია | 19 | 5 | 5 | 9 | 13-25 | 20 |
| 10 | სიონი | 19 | 4 | 5 | 10 | 13-33 | 17 |
| 11 | დინამო (ბთ) | 19 | 3 | 3 | 13 | 20-42 | 12 |
| 12 | კოლხეთი | 19 | 0 | 3 | 16 | 10-37 | 3 |
ყოველდღიური სპორტული გაზეთი "ლელო"
ასევე იხილეთ:
ზესტაფონი VS ფეხბურთელები - ზესტაფონური აურზაური გრძელდება
