სტუმართა მწვრთნელი და კონსულტანტი იძულებული იყვნენ, მათ ნაცვლად დუბლები და სათადარიგოთა სკამზე მჯდომი ფეხბურთელები დაეყენებინათ - ზოგი ჭირი მარგებელიაო და, თავისდაუნებურად, ზუგდიდელებმა ბოლნისში "ბაიას" ნიჭიერი თაობის პრეზენტაცია მოაწყვეს და დამაჯერებლად გაიმარჯვეს.
არადა, მატჩის დასაწყისში "ბაიას" გამარჯვება წარმოუდგენელი ჩანდა. სტუმართა მცველებს მასპინძლების აქტიური და მწვავე შეტევების შეჩერება უჭირდათ: მე-7 წუთზე გიორგი
ეფექტური "მაკრატელათი" ცდილობდა "სიონის" მორიგი იერიშის დაგვირგვინებას ლაშა ვაშაკიძე. თუმცა, შეტევებით გართულ მასპინძლებს რამდენიმე მწვავე კონტრშეტევა გამოეპარათ: 25-ე წუთზე დიაგონალური გადაცემით მეკარესთან პირისპირ ლევან წურწუმია დარჩა, რომელსაც მინდია ბობღიაშვილმა აჯობა, დამატებაზე კი დათა რიგვავამ კარს ოდნავ ააცილა.
გოლი 36-ე წუთზე გავიდა: მელქაძის საჯარიმო დარტყმის შემდეგ, ბურთმა უცნაური ტრაექტორია მოხაზა, მიმართულება შეიცვალა და ზარქუასგან ახლო კუთხეში გავიდა - 1:0. "ჯაბულანი" რომ ყოფილიყო, ბურთის მომგონს შეუკურთხებდნენ, მაგრამ ამ შემთხვევაში მელქაძემ ძალიან კარგად დაარტყა შეასრულა და ბურთის უცნაურობანი არაფერ შუაში იყო.
მეორე ტაიმში მასპინძლები მოედანზე დამშვიდებულები გავიდნენ და აშკარად იგრძნობოდა, მოგებაში ეჭვი არ ეპარებოდათ. თუმცა გამოცდილი ფეხბურთელების არყოფნაში, ზუგდიდელი ახალგაზრდები მწვრთნელებს იმას უმტკიცებდნენ, რომ ძირითადში მოხვედრას იმსახურებდნენ. "სიონს" ბურთის გაგორების საშუალებას არ ძლევდნენ, მოედნის ცენტრში კარგად მუშაობდა ირაკლი მალიჩავა, მასპინძლები ფლანგებზეც (მარჯვნივ რიგვავა და მარცხნივ წურწუმია) აიკლეს და 56-ე წუთზე ანგარიში გაათანაბრეს: შორეული დიაგონალური გადაცემით, მარჯვენა ფლანგიდან საჯარიმოში დათა რიგვავა შეიჭრა, სისწრაფეში ორი მცველი ჩამოიტოვა და შორეულ კუთხეში ზუსტად დაარტყა - 1:1. გოლმა მეკარე ბობღიაშვილი გაამწარა და ლაინსმენს თამაშგარეს დაფიქსირებას სთხოვდა, თუმცა, უშედეგოდ.
ბოლნისელებმა ჩავარდნა არ შეიმჩნიეს და თამაში ისე გააგრძელეს, თითქოს არაფრი მომხდარა. არადა, ხდებოდა და ვერ ამჩნევდნენ. ზუგდიდელები კონტრშეტევებს სწრაფად და მწვავედ ახორციელებდნენ. მასპინძლები მხოლოდ მეორე გაშვებული გოლმა გამოაფხიზლა: ირაკლი მალიჩავას საჯარიმო დარტყმის მოგერიებისას, გივი დიდავამ ბურთი თავით ცუდად მოიგერია და საკუთარ კარში ჩაჭრა - 1:2.
შეტევებით გართულ ბოლნისელებს მორიგი კონტრშეტევა 86-ე წუთზე გამოეპარათ: როინ ონიანის მშვენიერი გადაცემით, კარის წინ მარტო დარჩენილმა რიგვავამ ისარგებლა და უმაღლეს ლიგაში დებიუტი დუბლით აღნიშნა და სტუმრებს სენსაციური გამარჯვება მოუტანა - 1:3.
"სიონის" მთავარმა მწვრთნელმა გიორგი ყიფშიძემ სამართლიანად ბრძანა - პირველ გოლზე პრეტენზია კი გვქონდა, მაგრამ საბოლოო ჯამში სტუმრებმა დამსახურებულად მოიგესო: "ბიჭებს ვაფრთხილებდით, ზუგდიდლების ფინანსური პრობლემები არ ნიშნავდა, რომ იოლად მოვიგებდით. მაგალითად "კოლხეთის" "ოლიმპთან" და "სამტრედიის" "ტორპედოსთან" გამარჯვებებიც იკმარებდა. გაფრთხილების მიუხედავად, ეტყობა, მეტოქე ვერ შეაფასეს და დავისაჯეთ".
17.10. ბოლნისი. თ. სტეფანია. 500 მაყურებელი
სიონი 1
ბაია 3
1:0 მელქაძე (36), 1:1 რიგვავა (56), 1:2 დიდავა (80-საკ. კარში), 1:3 რიგვავა (86. რ. ონიანის პასით)
სიონი ბაია
4-4-1-1 4-4-1-1
ბობღიაშვილი ზარქუა
კობაური კანდელაკი
ლ. ჭელიძე რ. ონიანი
ორბელაძე ლ. აკობია
თარგამაძე თ. აკობია
ქურასბედიანი რიგვავა
ნოზაძე შ. ლომია
დიდავა მალიჩავა
ვაშაკიძე წურწუმია
გ. მელქაძე ეხვაია
გოცირიძე კუკავა
მწვრთნელი მწვრთნელი
გ. ყიფიანია ე. ქომეთიანი
სიონი
64. ვაშაკიძე - ნემსაძე
73. გოცირიძე - ბობოხიძე
80. ქურასბედიანი - ისიანი
სათადარიგოები: მერლანი, სანიკიძე, ჩივაძე, გ. თოდუა
ბაია
57. კუკავა - ჩანგელია
სათადარიგოები: ჯომიდავა, ბ. გვილია, მაქაცარია, კალანდაძე, კ. ახალაია. ლ. ქანთარია
გაფრთხილება: კობაური (14), ქურასბედიანი (47), რიგვავა (62)
არბიტრი: მ. ბეუქლიშვილი
ყოველდღიური სპორტული გაზეთი
"ლელო"
