"ზესტაფონში" კიდევ ერთი უცხოელი - სერბი ივიცა მილუტინოვიჩი ისინჯება

AutoSharing Option
"ზესტაფონს", რომელიც შეკრებაზე ანტალიაში იმყოფება, სინჯებზე კიდევ ერთი უცხოელი შეუერთდა. ეს 29 წლის სერბი მარცხენა მცველი ივიცა მილუტინოვიჩი გახლავთ.

კარიერის განმავლობაში მას უთამაშია როგორც სერბულ, ასევე საზღვარგარეთულ კლუბებში. სამშობლოში მას "ობილიჩის", "რადნიჩკის", "ბანატისა" და ბსკ-ის ღირსება დაუცავს, ორი სეზონი კი კვიპროსულ "ეთნიკოსში" გაატარა.

"ზესტაფონის" მთავარი მწვრთნელი კახა კაჭარავა მილუტინოვიჩს ანტალიაში დარჩენილ საკონტროლო მატჩებში დააკვირდება და მის თაობაზე გადაწყვეტილებას ამის შემდეგ მიიღებს.

"ზესტაფონის" ფეხბურთელებმა ანტალიის ღირსშესანიშნაობები დაათვალიერეს და საწვრთნელი პროცესი განაგრძეს.

9 თებერვალს ფეროელები პოლონურ "ლეხიას" გაეჯიბრებიან.

ყოველდღიური სპორტული გაზეთი "ლელო"

ასევე იხილეთ:

"ზესტაფონი" თურქეთში "ვორსკლას" დაუზავდა
მკითხველის კომენტარები / 0 /
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული