"ზესტაფონის" სამწვრთნელო შტაბი ახალ ლეგიონერს აკვირდება. თურქულ შეკრებაზე მყოფ ფეროელებს სენეგალელი საყრდენი პაპე აბდულაიე დიაკიტე შეუერთდა. იგი 20 წლისაა და ბოლო პერიოდში სლოვაკური "ტრენჩინის" წევრი იყო, რომლის შემადგენლობაშიც 8 ოფიციალური მატჩი ჩაატარა.
საქართველოს მოქმედი ჩემპიონის თავკაცი კახა კაჭარავა მის თაობაზე გადაწყვეტილებას უახლოეს დღეებში მიიღებს.
რაც შეეხება "ზესტაფონში" სინჯებზე მყოფ კიდევ ორ უცხოელს - როგორც ანთალიიდან კლუბის პრესსამსახურის უფროსმა სერგო ფუტკარაძემ გვაცნობა, სამწვრთნელო შტაბს 31 წლის ესპანელი ცენტრალური მცველი ორიოლ ლოსანო ფარანი მოსწონს და დიდი ალბათობით, მას "ზესტაფონი" კონტრაქტს გაუფორმებს.
რაც
შაბათს, თბილისის დროით 17 საათზე "ზესტაფონისა" და პოლონური "ლეხიას" სპარინგი დაიწყება. ცნობისთვის, პოლონეთის 16-გუნდიან ექსტრაკლასში "ლეხია" მე-6 ადგილზეა და ევროპის ლიგის საგზურისთვის იბრძვის.
გდანსკურ კლუბს ჰყავს ბრაზილიელი, ესპანელი, ბოსნიელი, ლიტველი, სომეხი და კონგოელი ლეგიონერები.
სხვათა შორის, "ლეხიას" ღირსებას იცავს 29 წლის ესპანელი ნახევარმცველი ანდრეუ გერაუ, რომელმაც შარშან ნახევარი სეზონი თბილისის "დინამოში" გაატარა.
გაირკვა "ზესტაფონის" ბოლო სპარინგ-პარტნიორის ვინაობაც - 12 თებერვალს ფეროელები ბელარუსულ ჟოდინოს "ტორპედოს" გაეჯიბრებიან.
ყოველდღიური სპორტული გაზეთი "ლელო"
ასევე იხილეთ:
"ზესტაფონში" კიდევ ერთი უცხოელი - სერბი ივიცა მილუტინოვიჩი ისინჯება
"ზესტაფონი" თურქეთში "ვორსკლას" დაუზავდა
