გასაკვირი არაა, რომ მთელმა შეხვედრამ მასპინძელთა სათამაშო და ტერიტორიული უპირატესობით ჩაიარა, მაგრამ ვერც "დინამოს" შეტევები იყო განსაკუთრებით თავბრუდამხვევი და "ბაიაც" უნაკლოდ იცავდა თავს. დედაქალაქელებმა მიმდინარე სეზონში ერთ-ერთი ყველაზე უსახური თამაში ჩაატარეს და იმის მიუხედავად, რომ გამარჯვება მაინც
როგორც იცით, უსახსრობის გამო ზუგდიდური კლუბი არაერთმა წამყვანმა ფეხბურთელმა დატოვა, თუმცა დაცვის ხაზში მაინც დარჩნენ გამოცდილი მოთამაშეები და "ბაიამ" ქულა სწორედ მათი მონდომებითა და რაღა თქმა უნდა, ახალგაზრდა მეკარის, თორნიკე ზარქუას ჩინებული თამაშის წყალობით მოიპოვა. "დინამოს" მეტოქის კართან ბევრი სახიფათო მომენტი ნამდვილად არ შეუქმნია, მაგრამ როცა საქმში ჩართვა უხდებოდა, ზარქუა საკუთარ მოვალეობებს უნაკლოდ ასრულებდა და მატჩის საუკეთესო მოთამაშის წოდებაც ალალად დაიმსახურა.
"ბაიამ" აქცენტი თავიდანვე საკუთარი კარის უსაფრხოებაზე გააკეთა და ასე იყო ბოლომდე. ზუგდიდელები შეტევაში იშვიათად გადადიოდნენ, თუმცა როგორც უკვე ვთქვით, ვერც დინამოელები ყოჩაღობდნენ. თავად განსაჯეთ, პირველ ტაიმში კახა კაჭარავას გუნდს ერთი საგოლე შანსიც კი არ ჰქონია, სტუმრებმა კი გოლიც კი გაიტანეს (კანდელაკმა გუგუჩიას პასით), რომელიც მსაჯმა აშკარა თამაშგარე მდგომარეობის გამო არ ჩათვალა.
მოსაყოლი ბევრი არც მატჩის მეორე ნახევრიდან გვაქვს, მაგრამ სამი ეპიზოდის გახსენება მაინც შეიძლება. ხმალაძის შორეული დარტყმა ზარქუამ მოიგერია, შეხვედრის დასრულებამდე თხუთმეტი წუთით ადრე კაკუბავამ ანგარიშის გახსნის რეალური შანსი გაუშვა ხელიდან, როცა უმეთვალყურეოდ მიტოვებულმა ბურთი კარს დიდი მანძილით ააცილა, მატჩის მიწურულს კი "ბაიას" კარის დარაჯი შეცვლაზე შესული ჯუისის დარტყმას გაუმკლავდა.
ზუგდიდელები მეორე ტაიმში იშვიათად გადადიოდნენ მეტოქის ნახევარზე, დაცვით ფაზაში კი უნაკლოდ ირჯებოდნენ და შინ დამსახურებული ქულით დაბრუნდნენ.
"დინამო"-"ბაიას" მატჩს საქართველოს ეროვნული ნაკრების თავკაცი თემურ ქეცბაია დაესწრო.
მატჩის შემდეგ
კახა კაჭარავა (დინამო): "პირველი ტაიმი ცუდად ჩავატარეთ, მეორეში თამაშის ხარისხი გამოვასწორეთ, მაგრამ მიზანს მაინც ვერ მივაღწიეთ. გამარჯვებისთვის თითოეულ მატჩში ბოლომდე დახარჯვაა საჭირო, ეს შედეგი კი ჩვენთვის მარცხის ტოლფასია".
ელგუჯა ქომეთიანი (ბაია): "ბუნებრივია, ამ ფრემ გაგვახარა, მაგრამ ზოგადად, სიხარულის საბაბი ნამდვილად არ გვაქვს. კლუბი უმძიმეს დღეშია და შექმნილი სიტუაციიდან გამოსავალიც არ ჩანს... თბილისში ნასესხები ფულით ჩამოვედით, დედაქალაქში ერთი "მარშრუტკითა" და ორი ფეხბურთელის ავტომობილით ჩამოვაღწიეთ. ამ მატჩში კი საკუთარი კარის მშრალად შენახვა დავისახეთ მიზნად, რასაც მივაღწიეთ კიდეც".
05.11. თბილისი. ეროვნული. 200 მაყურებელი
დინამო-ბაია 0:0
დინამო ბაია
4-4-1-1 4-4-1-1
ლორია ზარქუა
თომაშვილი კანდელაკი
კაკუბავა კვესეიშვილი
გ. კვარაცხელია აკობია
ხმალაძე რ. ონიანი
რობერტინიო კვეკვესკირი
ედნილსონი ვართაგავა
კოშკაძე შ. ლომია
ლექვთაძე წურწუმია
მუჯირი გუგუჩია
ვაწაძე ეხვაია
მწვრთნელი მწვრთნელი
კ. კაჭარავა ე. ქომეთიანი
დინამო
59. მუჯირი - თექთურმანიძე
65. ლექვთაძე - ჯუისი
სათადარიგოები: შეყრილაძე, ფირცხალავა, ლილუაშვილი, კახელიშვილი, მეტრეველი
ბაია
59. ლომია - რიგვავა
77. გუგუჩია - მალიჩავა
90. ეხვაია - კუკავა
სათადარიგოები: ჯომიდავა, აფაქიძე, სამუშია, ჩანგელია
გაფრთხილება: კვარაცხელია (48), რ. ონიანი (67), გუგუჩია (75), ვართაგავა (88)
არბიტრი: თ. გვანცელაძე
ყოველდღიური სპორტული გაზეთი
"ლელო"
