მოვლენებს გავუსწრებთ და მატჩის შემდეგ ბატონ მერაბს ამ გადაწყვეტილებების ახსნა ვთხოვეთ - უხალისოდ გვიპასუხა, ასე ჩავთვალე საჭიროდო და გასახდელს მიაშურა. აღარ ჩავძიებივართ, მწვრთნელი აუტსაიდერთან საშინაო მარცხით განერვიულებული იყო და ისედაც,
ვერც იმას დავიჩემებთ, რომ წაგება სწორედ ექსპერიმენტის ბრალი იყო, მაგრამ ფაქტია, "ვიტ ჯორჯიამ" კარგი შთაბეჭდილება ვერ დატოვა, ცხინვალის "სპარტაკმა" კი დამსახურებულად გაიმარჯვა. უპირატესობის მიუხედავად, ვეტერინარები რეალურ საგოლე მომენტს ვერ ქმნიდნენ, ცხინვალელები კი ეფექტურ კონტრშეტევებს ახორციელებდნენ.
მასპინძლებს არც იღბალი სწყალობდათ: მე-13 წუთზე "სპარტაკის" მეცამეტე ნომერმა ვალერი ბოლქვაძემ მარცხენა ფლანგიდან საჯარიმო შეასრულა, ბურთს ვერც ცხინვალელები შესწვდნენ, ვერც მასპინძელთა მცველებმა და მეკარემ მოიგერიეს და ბადე შეირხა - 0:1. მატჩის შემდეგ ბოლქვაძემ გაგვიმხილა, ეს ეფექტური საჯარიმო ვარჯიშებზე დაამუშავეთო.
ცხინვალელთა სტანდარტულებს ვარჯიშებზე დამუშავება მართლაც ეტყობოდათ და აკი არასტანდარტულადც ასრულებდნენ - ეს ისე, "სპარტაკის" მომავალი მეტოქეების საყურადღებოდ. მაგალითად, 25-ე წუთზე შოთა კაშიამ ჩაწოდების ნაცვლად ბურთი კარში გაგზავნა - ამჯერად მიქაბერიძემ საიმედოდ ითამაშა.
პირველ ტაიმში ვიტჯორჯიელთაგან ყველაზე სახიფათო მომენტი ჯაბა ლიპარტიამ შექმნა - ბურთი კარს ოდნავ აცდა. ტაიმის მიწურულს "სპარტაკს" გიორგი ალავიძე და გიორგი ბაბულაიძე დაუშავდნენ და ცხინვალელთა თავკაცმა ბადრი კვარაცხელიამ იძულებით შეცვლებს მიმართა. ამის მიუხედავად, სტუმრები თავს ყოჩაღად იცავდნენ.
მეორე ნახევარი უფრო სანახაობრივი გამოდგა, ვეტერინარები გამოცოცხლდნენ და სახიფათო მომენტებიც მოხშირდა. თუმცა ირაკლი კლიმიაშვილის, ბესიკ ჩიმაკაძისა და დათო მაისაშვილის შეტევები უშედეგოდ დასრულდა.
აქვე ვიტყვი, რომ შესვენების შემდეგ ბეჭვაიამ ჯერ მარჯვენა ნახევარმცველის პოზიციაზე დაიხია, შემდეგ კი დაცვაში ჩვეულ ადგილს დაუბრუნდა. ასე რომ, საკმაოდ უჩვეულო რამ ვიხილეთ, ვიტჯორჯიელმა სამი ამპლუა გამოიცვალა.
ვეტერინარებმა წაგების საფრთხე იგრძნეს, მატჩის ბოლოსკენ მთელი გუნდით შეუტიეს და დაცვა მოაშიშვლეს - ამან `სპარტაკს" სახიფათო კონტრშეტევების განხორციელების საშუალება მისცა. განსაკუთრებით სახიფათო ბოლქვაძის დარტყმა გამოდგა, რომელიც ძელს მოხვდა.
საბოლოოდ სტუმრებმა გაიმარჯვეს, "სპარტაკმა" სამი თვისა და თერთმეტ ტურის შემდეგ მოიგო - ცხინვალელებმა ბოლოს მე-4 ტურში, 29 აგვისტოს ბოლნისის "სიონს" სძლიეს (3:0).
ბადრი კვარაცხელია, ცხინვალის "სპარტაკის" მთავარი მწვრთნელი:"კმაყოფილი ვარ არა მხოლოდ თამაშით, არამედ იმითაც, რომ თერთმეტმატჩიანი მოუგებელი სერია შევწყვიტეთ. დღეს გარკვეული იძულებითი გადაადგილებები მოგვიხდა. ალავიძე და ბაბულაძე კი მატჩის მსვლელობისას დაშავდნენ და ამან დაგვასუსტდა. ამის მიუხედავად, ბიჭებმა იბრძოლეს და როგორც იქნა, გავიმარჯვეთ".
მერაბ კოჭლაშვილი, "ვიტ ჯორჯიას" მთავარი მწვრთნელი:"სამწუხაროა, რომ დავმარცხდით, ამას გამართლება არ მოეძებნება. არადა, წასაგები თამაში არ გვქონდა".
21 ნოემბერი. რუსთავი. `ფოლადი". 80 მაყურებელი.
ვიტ ჯორჯია 0:1 სპარტაკი
0:1 ვ. ბოლქვაძე (13).
4-1-3-2 4-2-3-1
ვიტ ჯორჯია სპარტაკი
მიქაბერიძე გრიშიკაშვილი
ხურცილავა აქუბარდია
ლომაია ალავიძე
ადამაძე ბოიომო
ღანიაშვილი ლობჟანიძე
ვასაძე კაშია
კლიმიაშვილი შონია
ჯანელიძე ბაბულაიძე
გურამ გურეშიძე ვ. ბოლქვაძე
ლიპარტია ჭაფოძე
ბეჭვაია ბუზალაძე
ვიტ ჯორჯია:
58. ჯანელიძე - ჩიმაკაძე
61. გურეშიძე - მაისაშვილი
64. ხურცილავა - ზაქრაძე
სათადარიგოები: ძაძამია, კასრაძე, ჭანკვეტაძე, გოგიაშვილი.
სპარტაკი:
36. ალავიძე - ტეტუნაშვილი
40. ბაბულაიძე - ბარაბაძე
72 ბუზალაძე - კლოვისი
სათადარიგოები: ნ. დაუშვილი, კაკაშვილი, კორსანტია, ნარიმანიძე.
გაფრთხილება: ბეჭვაია (78)
არბიტრი: ლ. სილაგავა
