9 დეკემბერს, საქართველოს ეროვნული ჩემპიონატის უმაღლესი ლიგის XVI ტურის მატჩში, "ზუგდიდმა" თბილისის "დინამოს" განმუხურში უმასპინძლა.მალხაზ ჟვანიას თავკაცობით, "დინამომ" პირველივე შეხვედრა წარმატებით ჩაატარა და მეტოქე მშრალი ანგარიშით - 3:0 დაამარცხა.
დაპირისპირების დებიუტში, შეხვედრის მეცხრე წუთზე ანგარიში "დინამოს" ესპანელმა ლეგიონერმა, ჩისკო მუნიოსმა გახსნა.
დედაქალაქელმა ფეხბურთელებმა მოპოვებული სათამაშო უპირატესობა 32-ე წუთზე ანგარიშშიც ასახეს. დინამოელთა უპირატესობა დორინ გოგამ კიდევ უფრო განამტკიცა.მეორე ტაიმი, პირველი ნახევრის მსგავსად, სტუმრების კარნახით წარიმართა. გოლის გატანის შანსი ჰქონდათ ელგუჯა გრიგალაშვილს და ჯაბა დვალს.
დინამოელებმა მატჩი ათი კაცით დაასრულეს.
თამაშის საფინალო ანგარიში 81-ე წუთზე დაფიქსირდა. ზუგდიდელთა კარში გოლი შეცვლაზე შემოსულმა დაარკო გლიშიჩმა გაიტანა.
იხილეთ ვიდეო
* * *
უამინდობის გამო XVI ტურის გადადებული "გურია"-"ტორპედოს" მატჩი 10 დეკემბერს, 14:00 საათზე, სამტრედიაში, ეროსი მანჯგალაძის სახელობის ცენტრალურ სტადიონზე გაიმართება, "ჩიხურა"-"მერანის" შეხვედრა - 11 დეკემბერს, 14:00 სთ-ზე "მცხეთა პარკზე".მომზადებულია fcdinamo.ge-ს მიხედვით
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
