- მე ყოველთვის იმის მომხრე ვარ, რომ საზოგადოების სამსჯავროზე თვით ყველაზე უხერხული სიტუაციებიც გამოვიტანოთ. ცამდე მართალი ვარ, ასე რომ, დასამალი არაფერი მაქვს. თუ ვინმე დაამტკიცებს, რომ გელა გომელაურს ოდესმე უმსგავსო საქციელი ჩაუდენია, ფეხბურთიდან იმ დღესვე წავალ.
- კეთილი, მაშინ გვიამბეთ, როგორ და რატომ მოხდა ეს ინცინდენტი?
- თავიდან დავიწყებ, ანუ ჯერ
იმის მიუხედავად, რომ თვალი წასვლაზე ეჭირა, უკრაინაში მას საკმაო სათამაშო დრო მივეცი – ერთი მატჩი შეცვლაზე ვათამაშე, მეორე კი სრულად. ბოლო საკონტროლო შეხვედრა "კრიმტეპლიცას" წინააღმდეგ ჩავატარეთ. მატჩის მეორე ტაიმი ახალი დაწყებული იყო, როცა ბერიაშვილს ვუხმე და მოედანზე შესვლა დავავალე. ამის შემდეგ მომხდარ ამბავს კი საიდუმლოდ დავტოვებ – რაც შემდეგ მოხდა, ის ყველამ იხილა – ბერიაშვილმა სიტყვიერი და ფიზიკური შეურაცხყოფა მომაყენა.
ძალიან მწყდება გული, ჩვენი ურთიერთობა ასე რომ დასრულდა. არადა, მანამდე ერთმანეთისა ყოველთვის კარგად გვესმოდა. აი, ესაა, რისი თქმაც მსურდა ამ ამბავთან დაკავშირებით.
არც იმაზე ვარ ნაწყენი, რომ ჩემთვის არასასიამოვნო კადრები პრესით, ტელევიზიითა თუ ინტერნეტით გავრცელდა. გულშემატკივარს უფლება აქვს, მსგავსი ფაქტების შესახებ იცოდეს, მაგრამ ერთია სპორტული ტელეგადაცემა და მეორე – საინფორმაციო გამოშვება. ჩემი აზრით, იქ ამ თემის კიდევ ერთხელ წამოტივტივება უკვე მეტისმეტი იყო. "ვიტ ჯორჯიას" ევროასპარეზზე მნიშვნელოვანი მატჩი ელის და გუნდი მთლიანად ამაზე უნდა იყოს კონცენტრირებული.
- რა შესძინა "ვიტ ჯორჯიას" უკრაინულმა შეკრებამ?
- შეკრება ნაყოფიერი გამოდგა, საწვრთნელი პროგრამა სრულად შევასრულეთ და დღეისთვის გუნდი კარგ კონდიციებშია. ერთი ეგაა, რომ თბილისურმა ხვატმა შეგვიშალა ხელი, მაგრამ არა უშავს, "ბანიკთან" შეხვედრისთვის მზად ვართ. აქვე იმასაც ვიტყვი, რომ აღფრთოვანებული დავრჩი უკრაინული საფეხბურთო ინფრასტრუქტურით, მათ დონემდე ძალიან, ძალიან ბევრი გვიკლია.
- აქვს კიდევ უფრო გაახალგაზრდავებულ "ვიტ ჯორჯიას" იმის შანსი, რომ მეტოქეს ტოლ-სწორად ებრძოლოს?
- რატომაც არა. მართალია, ძირითად გუნდში ბევრი ახალგაზრდა ფეხბურთელი დაწინაურდა, რომელთაც საერთაშორისო გამოცდილება არა აქვთ, მაგრამ თითოეულ მათგანს უდიდესი მოტივაცია ამოძრავებს და მოედანზე შესაძლებლობების მაქსიმუმს წარმოვაჩენთ. მოკლედ, იმის მიუხეადავად, რომ საკმაოდ ძლიერი მოწინააღმდეგე გვყავს, უშანსოდ ნამდვილად არ ვართ.
- "ბანიკის" მატჩების ჩანაწერი თუ ნახეთ?
- ვნახეთ, მაგრამ ის ამხანაგური თამაში იყო და არა მგონია, "ბანიკს" სრულად წარმოეჩინა საკუთარი შესაძლებლობები თუ პლუს-მინუსები. თუმცა გარკვეული დასკვნები მაინც გამოვიტანეთ და შევეცდებით, ჩვენდა სასიკეთოდ გამოვიყენოთ.
