როგორც "ვიტ ჯორჯიას" ოფიციალური ვებგვერდი იტყობინება, თამაში მერაბ კოჭლაშვილის გუნდის უპირატესობით წარიმართა. ანგარიში მე-19 წუთზე გაიხსნა. ბესიკ ჩიმაკაძის დარტყმა აზერბაიჯანელთა მეკარემ მოიგერია, დამატებაზე კი გიორგი ჯანელიძემ იყოჩაღა.
ანგარიში 30-ე წუთზე გათანაბრდა - აფშერონელებმა ფლანგიდან ჯარიმა
ქართველთა მონდომებამ შედეგი 76-ე წუთზე გამოიღო. მათგან ერთ-ერთმა ყველაზე აქტიურმა, შეცვლაზე შესულმა მიხეილ როსტიაშვილმა შეტევის მარჯვენა ფლანგზე მეტოქის მცველებს თავგზა აუბნია და შორეულ კუთხეში ზუსტად დაარტყა. როსტიაშვილს, რომელმაც სეზონის პირველი ნახევარი ქუთაისის "ტორპედოში" იჯარით გაატარა, გატანა მანამდეც შეეძლო, მაგრამ მისი ძლიერი დარტყმა "აფშერონის" კარის დარაჯმა მოიგერია.
კოჭლაშვილმა აზერბაიჯანელებს ასეთი შემადგენლობა დაუპირისპირა: მიქაბერიძე (46. ძაძამია) - ხურცილავა (57. გიორგი გურეშიძე), ადამაძე (46. გოგიაშვილი), კასრაძე, ღანიაშვილი (46. ჭანკვეტაძე) - ვასაძე, მაისაშვილი - ბეჭვაია, ჯანელიძე, ზაქრაძე (46. კორიფაძე) - ჩიმაკაძე (46. როსტიაშვილი).
მორიგ საკონტროლო შეხვედრას "ვიტ ჯორჯია" 1 თებერვალს ავსტრიული "ადმირას" წინააღმდეგ ჩაატარებს. ცნობისათვის, ეს კლუბი ავსტრიის მეორე ბუნდესლიგას ერთპიროვნულად ლიდერობს.
.
