ქომეთიანმა ამჯერადაც ორი შემადგენლობა ათამაშა, გამონაკლისი მხოლოდ ვეტერანი როინ ონიანი იყო, რომელმაც შეხვედრა შეუცვლელად ჩაატარა. პირველი ტაიმი ზუგდიდელებმა 4:0 მოიგეს, ქობალიამ ჰეთთრიქი შეასრულა, ერთიც ეხვაიამ გაიტანა. მატჩის მეორე ნახევარში ლანჩხუთელთა კარი ჩანგელიამ, შონიამ, მალიჩავამ და ონიანმა დალაშქრეს.
”ბაია" პირველ ტაიმში: სომხიშვილი - სვირავა, აქუბარდია, რ. ონიანი,
მეორე ტაიმში: მაქაცარია - გ. ქირია, აფაქიძე, მამულია, რ. ონიანი - გუჯეჯიანი, კუხალაშვილი, ნ. შონია, ვართაგავა - მალიჩავა, ჩანგელია.
სინჯებზე მყოფმა ბრაზილიელმა დანილომ ”ბაიას" მწვრთნელებს თავი ვერ მოაწონა და გუნდი უკვე დატოვა, გამრეკლიძესა და კუხალაშვილზე დაკვირვებას კი ზუგდიდელთა სამწვრთნელო შტაბი კვლავ განაგრძობს. ხვალ ან ზეგ ”ბაია" წალენჯიხის ”სქურს" ან ხობის ”კოლხეთს" ეთამაშება, ბოლო სპარინგს კი 6 თებერვალს გორის ”დილას" წინააღმდეგ გამართავს.
