გუშინ გვიან საღამოს შევიტყვეთ, რომ მუხლის სერიოზული ტრავმა მიიღო "ზესტაფონის" მეკარე ზურაბ მამალაძემ, რომელიც პრაღის "სპარტასთან" მატჩისას დაშავებულა. საქართველოში დაბრუნების შემდეგ მას საფუძვლიან გამოკვლევას ჩაუტარებენ და ამის შემდეგ გაირკვევა, რამდენი ხნით მოუწევს იძულებითი უქმობა.ესპანეთშივე გადაწყდა, რომ "ზესტაფონი" მამალაძეს ახალ, ორწლიან კონტრაქტს გაუფორმებს, მის კონკურენტ და იმერელთა ძირითად კიპერ როინ კვასხვაძეს - სამწლიანს, ნახევარმცველ თორნიკე გორგიაშვილს კი - ხუთწლიანს.
''ზესტაფონმა" ''მარბელას თასი" მძიმედ დაიწყო და მეოთხედფინალში პრაღის ''სპარტასთან" განცდილი 0:5-ით ტურნირზე გამარჯვების შანსი დაკარგა, მაგრამ ესპანეთში კიდევ ორ მატჩს მაინც
თუ ''ზესტაფონმა" უკრაინული ბარიერის დაძლევა შეძლო, 8 თებერვალს მეხუთე ადგილისთვის მატჩს ჩაატარებს, თუ არადა, იმავე დღეს ბოლოსწინა, მეშვიდე საფეხურისთვის იბრძოლებს. ''ზესტაფონის" მომავალი მეტოქე კი ან კრასნოდარის ''ყუბანი" იქნება, ანაც - პლოვდივის ''ლოკომოტივი".
''მარბელას თასის" ნახევარფინალური წყვილები კი ასეთია: ''პოლონია" (პოლონეთი) – ''ზენიტი" (რუსეთი), ''სპარტა" (ჩეხეთი) – ''დნიპრო" (უკრაინა).
