საქართველოს ფეხბურთის ფედერაციისა და "ზესტაფონის" დავას დასასრული ჯერ არ უჩანს. შეგახსენებთ, ფედერაცია კლუბისგან ხორვატი ახალწვეულის, გორან გრუიცას დარეგისტრირებისთვის დებულებით გათვალისწინებულ 15 ათას ლარს სთხოვს, "ზესტაფონი" კი ამ თანხის ძველ ვალებში გაქვითვას ითხოვს."ლელოს" გუშინდელ ნომერში ამ საკითხთან დაკავშირებით "ზესტაფონის" პრესსამსახურის მიერ გავრცელებული ოფიციალური განცხადება შემოგთავაზეთ, ადგილის სიმცირის გამო კი კლუბის წერილი ვეღარ გამოვაქვეყნეთ და მას ახლა გთავაზობთ.
ფედერაციამ "ზესტაფონისგან" წერილი 22 თებერვალს მიიღო. კლუბის ვიცე-პრეზიდენტი ვასილ გველესიანი სფფ-ს სწერს, რომ გრუიცას დარეგისტრირებისთვის საჭირო თანხის გადახდას "ზესტაფონი" მიმდინარე სეზონის დასრულებამდე, ძველი
სფფ-ის პოზიცია გენერალურმა მდივანმა რევაზ არველაძემ და გენერალური სამდივნოს უფროსმა რევაზ შენგელიამ გუშინწინ გამართულ პრესკონფერენციაზე კიდევ ერთხელ დააფიქსირეს.
მოკლედ, საქმე ჯერჯერობით, ჩიხში რჩება, დათმობაზე წასვლას არც ერთი მხარე აპირებს. იმედი დავიტოვოთ, რომ ამ არცთუ სასიამოვნო ამბავს მალე დაესმება წერტილი და ეროვნული ჩემპიონატი მშვიდ ვითარებაში გაგრძელდება.
ფედერაცია გრუიცას დარეგისტრირებისთვის წერილს ელის, სადაც "ზესტაფონი" დააფიქსირებს, რომ 15 ათასს სეზონის დასრულებამდე გადაიხდის. აი, ამჟამინდელი წერილის შინაარსი და განსაკუთრებით კი სიტყვა "გაქვითვა" სფფ-ისთვის მიუღებლად რჩება.
.
