სფფ-ის სადისციპლინო და დავების განმხილველმა კომიტეტმა 2016 წლის 21 ოქტომბერს მიხეილ მესხის სახელობის სტადიონის მედიაცენტრში მორიგი სხდომა გამართა. კომიტეტმა შეისწავლა წარმოდგენილი დოკუმენტები და შემდეგი გადაწყვეტილებები მიიღო:
1. ს.კ "ცხინვალის" ექიმი გოჩა ჩაკვეტაძე, მეტოქის მიმართ უხამსი ჟესტის გამო, დისკვალიფიცირებულ იქნეს 3 მატჩით და დაეკისროს ფულადი ჯარიმა 1200 ლარის ოდენობით.
2. ს.კ "ცხინვალი" შეჯიბრების დებულების შესაბამისად განსაზღვრული მატჩის ჩასატარებლად საჭირო პირობების სათანადო შეუსრულებლობისთვის დაჯარიმდეს 500 ლარით. ამავე კლუბის მთავარი მწვრთნელი კახა კაჭარავა დისკვალიფიცირებულ იქნეს 5 მატჩით, განესაზღვროს პირობითი სასჯელი 1 წლის ვადით
3. ს.კ თბილისის "დინამოს" ფეხბურთელები გიორგი პაპუნაშვილი და რენე ფერეირა, ერთმანეთის სიტყვიერი და ფიზიკური შეურაცხყოფისთვის, დისკვალიფიცირებულ იქნენ 5-5 მატჩით და დაეკისროთ ფულადი ჯარიმა 2000-2000 ლარის ოდენობით.
- თბილისის "დინამომ" რენე ფერეირა და გიორგი პაპუნაშვილი დასაჯა
- მსაჯმა ორი დინამოელი ერთმანეთში ჩხუბის შემდეგ გააძევა [VIDEO]
4. ს.კ "გურიას" ფეხბურთელი გიორგი ჭედია, თანაგუნდელის სიტყვიერი შეურაცხყოფისთვის დისკვალიფიცირებულ იქნეს 2 მატჩით და დაეკისროს ფულადი ჯარიმა 400 ლარის ოდენობით
- გურია-დინამო (თბ) 0:2 - ეს "დინამოა"! [VIDEO]
5. ს.კ გორის "დილას" ფეხბურთელი ირაკლი მოდებაძე, მეტოქის შეურაცხყოფისთვის, დისკვალიფიცირებულ იქნეს 5 მატჩით და დაეკისროს ფულადი ჯარიმა 2000 ლარის ოდენობით
6. ს.კ. ფოთის "კოლხეთი 1913"-ის ფეხბურთელები ომარ გოგონაია და დავით ბოლქვაძე დისკვალიფიცირებულ იქნენ 5-5 მატჩით და დაჯარიმდნენ 2400-2400 ლარით.
7. ჩოხატაურის "ბახმაროს" ფეხბურთელი მამუკა გიორგაძე მსაჯის ფიზიკური შეურაცხყოფისთვის დისკვალიფიცირებულ იქნეს 10 თამაშით და დაეკისროს ფულადი ჯარიმა 1000 ლარის ოდენობით.
8. ს.კ. "სამგორი", მატჩებზე გამოუცხადებლობის გამო, მოხსნილია მეორე ლიგის გათამაშებიდან და მისი შედეგები გაუქმებულია.
მომზადებულია gff.ge-ს მიხედვით
უფრო ვარესი ჯრიმწბი უნდა იკოს რო ვერ გაბედონ!! ფეხბურტია ტუ ბლატავი ვერ გაიგებ!!
ფედერაცია ტაკ დერჯაც