პირველი ლიგის გარდამავალი ჩემპიონატის მე-16 ტურის შეხვედრაში, ცხინვალის "ლიახვი" ხობის "კოლხეთის" (2:2) წინააღმდეგ მოედანზე ლევან ჯოხაძის ნაცვლად, გიორგი ქავთარაძემ გაიყვანა. თამაშის წინა დღეს მთავარი მწვრთნელი თანამდებობიდან გადადგა.თუ რატომ დატოვა ჯოხაძემ გუნდი ჩემპიონატის დასრულებამდე რამდენიმე ტურით ადრე, ამაზე მან Sportall.ge-სთან ისაუბრა.
"მივიღე გადაწყვეტილება, რომ დარჩენილ შეხვედრებში აღარ შემესრულებინა მთავარი მწვრთნელის მოვალება.
გადაწყვეტილება განპირობებულია იმ ატმოსფეროთი, რომელიც გუნდში სუფევს. მიმდინარე ჩემპიონატში, კლუბის ხელძღვანელობამ მიიღო გადაწყვეტილება გაეშვა წამყვანი ფეხბურთელები და ახალგაზრდებით გასულიყო ფონს. ამას დაემატა ის ფაქტი, რომ პირველ ლიგაში არის უმძიმესი
ძნელია, როცა მთავარი მწვრთნელის რანგში სადებიუტო სეზონს ატარებ, მხოლოდ ფეხბურთზე ფიქრობ, ამ დროს კი შენს ირგვლივ მსგავსი ფაქტები ხდება.
"ლიახვთან" კონტრაქტი დეკემბრამდე მაქვს და ის ძალაში რჩება, თუმცა კლუბის ხელმძღვანელობასთან შეთანხმებით, მწვრთნელის მოვალეობებს აღარ შევასრულებ. მოვალეობს აღარ შეასრულებს მეკარეების მწვრთნელი ზურაბ ბათიაშვილიც. გუნდზე პასუხისმგებლები ჩვენ აღარ ვართ", - გვითხრა ჯოხაძემ.
ლევან ჯოხაძემ, რომელიც გასულ სეზონში მთავარი მწვრთნელის ასისტენტის რანგში ჩემპიონი გახდა, მთავარი მწვრთნელის პოსტი მალხაზ ჟვანიას წასვლის შემდეგ დაიკავა.
