საქართველოს ეროვნული საფეხბურთო ნაკრების მთავარმა მწვრთნელმა ვლადიმირ ვაისმა უახლოესი ორი მატჩისთვის შემადგენლობა დაასახელა. თითქმის ორწლიანი პაუზის შემდეგ, ეროვნულ ნაკრებში კვლავ უხმეს პლოცკის "ვისლას" შემტევ გიორგი მერებაშვილს.- ვლადიმირ ვაისმა ეროვნული ნაკრების შემადგენლობა დაასახელა
მერებაშვილი ბოლოს კახა ცხადაძემ 2015 წლის 11 ოქტომბერს გერმანიასთან სტუმრად გასამართი მატჩისთვის გამოიძახა. გიორგის იმ შეხვედრაში მონაწილეობა არ მიუღია, მას მერე კი ნაკრებში აღარც გამოუძახებიათ.
ეროვნულ ნაკრებში გამოძახებასთან დაკავშირებით მერებაშვილმა Sportall.ge-სთან კომენტარი გააკეთა.
"ნაკრებში გამოძახება ჩემთვის მოულოდნელი იყო. მძიმე სეზონის შემდეგ ოჯახთან ერთად დასვენებას ვგეგმავდი, თუმცა ნაკრებში
ორივე მატჩი მოსაგები გვაქვს და გულშემატკივრის გასახარად თავს არ დავზოგავთ.
ჩემს მომავალთან დაკავშირებით კი ჯერ კონკრეტულს ვერაფერს გეტყვით. მოგეხსენებათ, "ვისლასთან" კონრაქტი ორი წლით გავახანგრძლივე და თუ რომელიმე კლუბს ვენდომები, მან სანაცვლოდ 100 000 ევრო უნდა გადაიხადოს.
დღეისთვის, პოლონეთის რამდენიმე კლუბს ვუნდივარ და მათთან მოლაპარაკებიც მიმდინარეობს", - გვითხრა მერებაშვილმა.
შეგახსენებთ, რომ 7 ივნისს, 20 საათზე საქართველოს ნაკრები საერთაშორისო ამხანაგურ შეხვედრას სენტ კიტსისა და ნევისის ნაკრების წინააღმდეგ მესხის სახელობის სტადიონზე ჩაატარებს.
11 ივნისს კი ქართველი ფეხბურთელები მსოფლიო ჩემპიონატის საკვალიფიკაციო ეტაპის შეხვედრას ქალაქ კიშინიოვში, მოლდოვის წინააღმდეგ გამართავენ.
