ხორვატიის ნაკრებს საქართველოსთან 3 ივნისის ევროშესარჩევი შეხვედრისთვის კიდევ ერთი ფეხბურთელი დააკლდა - დაშავდა დნეპროპეტროვსკის "დნიპროს" მარცხენა მცველი ივან სტრინიჩი, რომელიც ნაკრების ძირითადი შემადგენლობის წევრია და საქართველო-ხორვატიის თბილისურ მატჩშიც შეუცვლელად ითამაშა. შეგახსენებთ, ხორვატთა თავკაც სლავენ ბილიჩს საქართველოსთან დაპირისპირებაში დისკვალიფიცირებული ნიკო კრანჩარი და ტრავმირებულები, ივან რაკიტიჩი და ივიცა ოლიჩი არ ეყოლება.
