თემურ ქეცბაიამ სპლიტში 21-კაციანი შემადგენლობა იახლა. ამათგან დიდი უმრავლესობა ლეგიონერია - 16 (76%), ჩვენი უმაღლესი ლიგიდან მხოლოდ 5 ფეხბურთელია (24%).ნაკრები 10 ქვეყნის ლიგებში მოთამაშეთაგანაა დაკომპლექტებული. ყველაზე მეტი საქართველოდან და რუსეთიდანაა (5-5), 3 წევრია უკრაინიდან.
გუნდში 10 ქვეყნის 17 კლუბის ფეხბურთელები არიან. ყველაზე მეტი ფეხბურთელით "ზესტაფონი" და "ვოლგაა" წარმოდგენილი - 3-3.
თუ სპლიტში თამაში მოუწევთ, ეს მატჩი სადებიუტო იქნება როინ კვასხვაძის, გია გრიგალავასა და ირაკლი მაისურაძისთვის.
მოწვეულთაგან ყველაზე მეტი თამაში ნაკრებში კახა კალაძეს აქვს ჩატარებული - 78, შემდეგ მოდიან ზურაბ
ალექსანდრე იაშვილი ერთადერთია, რომლის საგოლე მონაგარი ნაკრებში ორნიშნა რიცხვით გამოიხატება - 15. მეორე ადგილზეა დავით სირაძე - 8, მესამეზე - ლადო დვალიშვილი - 4.
ზემოთ ჩამოთვლილი სამეულის გარდა, ნაკრებში 1-ზე მეტი გოლი მხოლოდ ჯაბა კანკავამ გაიტანა (2).
მაისში ყველაზე მეტი მატჩი გიორგი ლორიამ ითამაშა, "დინამოს" მეკარემ 5 შეხვედრაში მიიღო მონაწილეობა, თან 90-90 წუთი.
ლეგიონერთაგან ყველაზე მეტი მაისში აკაკი ხუბუტიამ ითამაშა - 4 მატჩი.
მაისში ნაკრებში გამოძახებულებმა მხოლოდ ორი გოლი გაიტანეს. მურთაზ დაუშვილმა 8 მაისს ფოთში "კოლხეთს" გაუტანა, 14 მაისს კი ვოლგელმა მათე ვაწაძემ ნალჩიკში "სპარტაკს" შეუგდო.
მაისში საერთოდ არ უთამაშიათ დავით კვირკველიასა და ჯანო ანანიძეს. დავაზუსტებთ, ჯანომ დუბლებში ითამაშა, თუმცა ამას ოფიციალურ სტატისტიკაში ვერ ჩავუთვლით, საქართველოს ნაკრების იმედი ტრავმირებული იყო და "სპარტაკის" განაცხადში ორჯერ მოხვდა. კვირკველიას უთამაშებლობას მარტივი მიზეზი აქვს - საბერძნეთის ჩემპიონატი დიდი ხანია დასრულდა, თუმცა 17 აპრილის შემდეგ უთამაშებლობა მაინც დამაფიქრებელია.
ტრავმების გამო მაისში მატჩები გაუცდათ ჯანო ანანიძეს (მთელი თვე), ალეკო ამისულაშვილს (2 თამაში) და კახა კალაძეს (1).
დავით სირაძემ სამი მატჩი კი ითამაშა "ნალჩიკში", მაგრამ მოედანზე სულ 100 წუთი დაჰყო. ასევეა სანდრო გურულიც - 3 შეხვედრაში მხოლოდ 106 წუთი დაუგროვდა.
ფეხბურთელი თამაში გუნდი ჩემპიონატი თამაში (გოლი) მაისში
გიორგი ლორია 8თ დინამო უმაღლესი ლიგა 5 თ
როინ კვასხვაძე დებ. ზესტაფონი უმაღლესი ლიგა 4 თ
კახა კალაძე 78თ 1გ ჯენოა სერია ა 2 თ
ზურაბ ხიზანიშვილი 74თ 1გ რედინგი ჩემპიონშიპი 3 თ
ლაშა სალუქვაძე 35თ 1გ ვოლგა რუსეთი 3 თ
ალექსანდრე ამისულაშვილი 19 თ 1გ კრასნოდარი რუსეთი 2 თ
კახა ალადაშვილი 7თ ზესტაფონი უმაღლესი ლიგა 4 თ
გურამ კაშია 6თ ვიტესი ჰოლანდია 2 თ
აკაკი ხუბუტია 4თ გაზ-მეთანი რუმინეთი 4 თ
გია გრიგალავა დებ. ვოლგა რუსეთი 1 თ
დავით კვირკველია 44თ პანიონიოსი საბერძნეთი -
ჯაბა კანკავა 27თ 2გ კრივბასი უკრაინა 3 თ
ჯანო ანანიძე 8თ 1 გ სპარტაკი რუსეთი -
მურთაზ დაუშვილი 8თ ზესტაფონი უმაღლესი ლიგა 4 თ 1 გ
ალექსანდრე გურული 1თ 1გ კარპატი უკრაინა 3 თ
ჯაბა ლიპარტია 1 თ ზარია უკრაინა 4 თ
ირაკლი მაისურაძე დებ. ოლიმპი უმაღლესი ლიგა 3 თ
ალექსანდრე იაშვილი 63თ 15გ კარლსრუე II ბუნდესლიგა 2 თ
დავით სირაძე 26თ 8გ ნალჩიკი რუსეთი 3 თ
ლადო დვალიშვილი 15თ 4გ მაქაბი ისრაელი 3 თ
მათე ვაწაძე 4თ ვოლგა რუსეთი 2 თ 1 გ
