უინტრიგო მატჩი ამდენი ღირს?

საბედნიეროდ, საქართველოს ეროვნული ნაკრების ბანაკში გუშინდელმა დღემ მშვიდობიანად ჩაიარა და ჩვენი დანაკლისი მეტად აღარ გაზრდილა. თემურ ქეცბაიამ გუნდი "მიხეილ მესხზე" სრული დატვირთვით ავარჯიშა და, ერთი შეხედვით, ჩვენი ნაკრების წევრებს განწყობა და შემართება არ დაეწუნებათ.

ქეცბაია ძირითად 11 და სათადარიგო 7 ფეხბურთელს ამ შემადგენლობიდან შეარჩევს:

მეკარეები: ნუკრი რევიშვილი ("ანჟი", რუსეთი), როინ კვასხვაძე ("ზესტაფონი"), კონსტანტინე სეფიაშვილი ("გაგრა");
მცველები: კახა კალაძე ("ჯენოა", იტალია), ზურაბ ხიზანიშვილი ("ქაისერისფორი", თურქეთი), ალექსანდრე ამისულაშვილი ("კრასნოდარი", რუსეთი), გია გრიგალავა ("ვოლგა", რუსეთი), გურამ კაშია ("ვიტესი", ჰოლანდია), აკაკი ხუბუტია ("სამსუნსფორი", თურქეთი), უჩა ლობჟანიძე ("კრივბასი", უკრაინა), ალექსანდრე კვახაძე ("მეტალურგი");
ნახევარმცველები: ლევან კობიაშვილი ("ჰერტა", გერმანია), ჯაბა კანკავა ("კრივბასი", უკრაინა), დავით თარგამაძე ("ოლექსანდრია", უკრაინა), ალექსანდრე გურული ("კარპატი", უკრაინა), შოთა გრიგალაშვილი ("ზესტაფონი"), ირაკლი მაისურაძე ("მეტალურგი"), ალექსანდრე კოშკაძე ("დინამო"), მურთაზ დაუშვილი ("ზესტაფონი");
თავდამსხმელები: ალექსანდრე იაშვილი ("კარლსრუე", გერმანია), ვლადიმერ დვალიშვილი ("მაკაბი" ჰაიფა, ისრაელი), ოთარ მარცვალაძე ("კრასნოდარი", რუსეთი), ლევან მჭედლიძე ("ემპოლი", იტალია).

დღევანდელი საღამოს მნიშვნელოვან შემადგენელ ნაწილსაც გაგახსენებთ - ლევან კობიაშვილი საქართველოს ეროვნულ ნაკრებში მეასე მატჩს ჩაატარებს!

შეგახსენებთ, ჯგუფში მეოთხე ადგილის დასაკავებლად მხოლოდ გამარჯვება გვჭირდება, საბერნეთს კი პირველობისა და ევროპის ჩემპიონატის საგზურის გასაფორმებლად ფრეც ჰყოფნის.

ბილეთის ფასს კი გვერდს ვერც ახლა ავუვლით - სტადიონზე მოხვედრის მინიმალური ფასი 10 ლარია, რაც, პირდაპირ ვთქვათ, უინტრიგო მატჩისთვის ნამეტანია!
სწორედ ამის გამო, სამწუხაროდ, ვეჭვობთ, ლევანს კუთვნილი აპლოდისმენტი მრავალათასიანმა პუბლიკამ მიუძღვნას.

შეხვედრა 21 საათზე დაიწყება და მას იტალიელი დანიელე ორსატო განსჯის, მატჩის პირდაპირ ტელერეპორტაჟს შინ დარჩენილები "საზოგადოებრივი მაუწყებლის" ეთერით იხილავენ.

ევროპის 2012 წლის ჩემპიონატის შესარჩევი ციკლი. F ჯგუფი.
სატურნირო ცხრილი
თ მ ფ წ ბ ქ
1. საბერძნეთი 9 6 3 0 12-4 21
2. ხორვატია 9 6 1 2 16-7 19
3. ისრაელი 9 4 1 4 11-11 13
4. ლატვია 9 3 2 4 9-10 11
5. საქართველო 9 2 4 3 6-7 10
6. მალტა 9 0 1 8 4-19 1

დღეს:
საქართველო-საბერძნეთი
ხორვატია-ლატვია
მალტა-ისრაელი

ყოველდღიური სპორტული გაზეთი "ლელო"