საქართველოს ეროვნული ნაკრების ყოფილი თავკაცი ექტორ კუპერი, შესაძლოა, დიდ შარში გაეხვიოს, მისი რეპუტაცია კი კითხვის ნიშნის ქვეშ უკვე დადგა.საქმე ის არის, რომ იტალიურმა მედიამ მას დაახლოებით ათი წლის წინანდელი ამბავი გაუხსენა. მაშინ არგენტინელი სპეციალისტი მილანის "ინტერს" წვრთნიდა.
როგორც გამოცემები ირწმუნებიან, კუპერმა იმ დროს 200 ათასი ევრო მიიღო იტალიური მაფიისგან, ეს თანხა კი მას სხვადასხვა მანიპულაციების განსახორციელებლად გადასცეს. კუპერს თავის გაწვრთნილ კლუბებში თაღლითობას არავინ აბრალებს, სამაგიეროდ, გაჩნდა ეჭვი, რომ მას არგენტინის ჩემპიონატის მატჩების შედეგებზე ზემოქმედებაში მიუძღვის ბრალი.
ცხადია, თავად კუპერი
ჯერჯერობით ამ საქმით სამართალდამცავი ორგანოები არ დაინტერესებულან.
შეგახსენებთ, კუპერი საქართველოს ნაკრებს 2008-09 წლებში წვრთნიდა და მას მხოლოდ ერთხელ, ისიც ამხანაგურ მატჩში გაამარჯვებინა. სულ ახლახან კი მან თურქული "ორდუსფორი" ჩაიბარა.
ყოველდღიური სპორტული გაზეთი "ლელო"
