საქართველოს ნაკრებისა და ფინური "ინტერ ტურკუს" თავდამსხმელი ირაკლი სირბილაძე ფინეთის ნაკრებთან მსოფლიოს 2014 წლის ჩემპიონატის შესარჩევი ეტაპის მომავალ მატჩზე საუბრობს.ნაკრების თავდამსხმელი ფიქრობს, რომ ფინელებთან მატჩს ბევრი გულშემატკივარი დაესწრება, ვინაიდან ფინეთში ფეხბურთი ძალიან უყვართ.
"ფინელებმა ჩვენი თამაშები რომ ნახეს ბელორუსთან და ესპანეთთან, ძალიან შეგვაქეს - კარგი გუნდი გყოლიათო. ნამდვილად არ ელოდნენ, რომ ესპანელებს ასეთ მედგარ წინააღმდეგობას გავუწევდით.
ვფიქრობ, ჩვენ მათ აუცილებლად ვაჯობებთ მონდომებითა და ტექნიკური ფეხბურთით. ჩემი აზრით, ისეთ ტექნიკურ და სწრაფ ფეხბურთელებთან გამკლავება, როგორებიც ჩვენ გვყავს, ფინელებს ძალიან უჭირთ.
რთული თამაში გველის. არავინ იფიქროს, რომ ფინეთის ნაკრები ხელწამოსაკრავი გუნდია. ისინი აქცენტს, ძირითადად, ლეგიონერებზე აკეთებენ.
ვფიქრობ, შანსები 50/50-ზეა. თუ ჩვენს შანსებს მაქსიმალურად გამოვიყენებთ, წარმატებასაც ჩვენ მივაღწევთ" - განაცხადა ქართველმა თავდამსხმელმა.
gff.ge
ასევე იხილეთ:
საქართველოს ნაკრები ფინეთთან მატჩისთვის უდანაკარგოდ ემზადება
ირაკლი სირბილაძე: არ მოტყუვდეთ, ფინეთის ნაკრებთან მძიმე თამაში გველის!
