ქომაგი, რომელმაც კანკავას დაუჩოქა: სისწრაფეში ვაჯობე და ჩავძვერი საიდანღაც [VIDEO]

გულშემატკივარი, რომელიც გერმანიისა და საქართველოს მატჩის დროს მოედანზე შეიჭრა და ჯაბა კანკავას დაუჩოქა, ზაზა არდიშვილია.

ქომაგი მოედანზე მატჩის პირველი ტაიმის დასრულების შემდეგ შევიდა.

ტელეკომპანია TVS-ის გადაცემაში ქართველმა გულშემატკივარმა წამყვანის კითხვაზე: "როგორ აღმოჩნდი მოედანზე? საიდან მოახერხე შესვლა?" არდიშვილმა უპასუხა:

"ეს კითხვა ბევრჯერ დამისვეს. ნუ დააბრალებენ ამას დაცვის წევრებს. მე სპორტსმენი ვიყავი, კონკრეტულად კი, ფეხბურთელი და უბრალოდ, სისწრაფეში ვაჯობე და ჩავძვერი საიდანღაც. იმ ადამიანებს ნურაფერს მოსთხოვენ, ეს იყო ჩემი სპორტულობის შედეგი". 

არდიშვილის თქმით, მან მოედანზე შევარდნის გადაწყვეტილება გასულ დღეს მომხდარი ინციდენტის გამო მიიღო.

შეგახსენებთ, რომ გერმანიის ნაკრების ვარჯიშზე ქართველი ქომაგი მოედანზე შევიდა და ბასტიან შვაინშტაიგერს დაუჩოქა.

"მე ეს გადაწყვეტილება წინა დღეს მომხდარი ინციდენტის გამო მივიღე. მე იმ ადამიანს არც ვაკნინებ და არც შეურაცხყოფას ვაყენებ. ჩემი საყვარელი ფეხბურთელი არის სტივენ ჯერარდი, თუმცა, ის რომ საქართველოს წინააღმდეგ თამაშობდეს, მე ჯერ ჩემი ქვეყნის გულშემატკივარი ვიქნები და შემდეგ - მისი", - თქვა არდიშვილმა.

ასევე იხილეთ:
წერილი ფანისგან, რომელიც შვაინშტაიგერს ვარჯიშზე გადაეხვია... [VIDEO]
თვალსაზრისი: ნუ დაუჩოქებ!..
ახალგაზრდა ქართველი ქომაგი, რომელმაც შვაინშტაიგერს "დინამოზე" დაუჩოქა [VIDEO]