დღეს, 27 იანვარს, თბილისის ოლიმპიურ სასახლეში საქართველოს ფუტსალის ეროვნულმა ნაკრებმა ევრო 2018-ის პირველი საკვალიფიკაციო ეტაპის A ჯგუფის გადამწყვეტი, მესამე შეხვედრა ჩაატარა. ქართველთა მეტოქე შვეიცარიის ნაკრები იყო, რომელიც ჩვენმა გუნდმა ანგარიშით 6:3 დაამარცხა.
საქართველოს ნაკრებმა მატჩი აქტიურად დაიწყო და მალევე დაწინაურდა - რონინიოს ბრწყინვალე თამაშის შემდეგ ანგარიში ირაკლი თოდუამ გახსნა. ამის შემდეგ სტუმართა კარში საჯარიმო დარტყმა დაინიშნა, რომელიც მასპინძლებმა შესანიშნავად გაითამაშეს და დასარტყმელ პოზიციაზე არჩილ სებისკვერაძე გაიყვანეს - 2:0. სებისკვერაძემ შორეული დარტყმით მალევე დუბლი მიითვალა და ტაიმიც ასე დასრულდა - 3:0.
მეორე ტაიმი საქართველოს ნაკრებისთვის ცუდად დაიწყო - საწყის 2 წუთში შვეიცარიამ 2 გოლი გაიტანა. ამის შემდეგ შვეიცარიამ უფრო მწვავედ შეუტია, საქართველოს ნაკრები კი კონტრშეტევაზე გადაერთო და ამან გაამართლა კიდეც - ირაკლი თოდუას პასით შოთა ჭანუკვატაძემ სხვაობა კვლავ ორამდე გაზარდა. მალევე შვეიცარიელთა კარში გიორგი ნიშნიაძემაც დაარტყა, რომლის დარტყმული მეკარემ მოიგერია, დამატებაზე კი შოთა თოფურიამ იყოჩაღა - 5:2. ცოტა ხანში, ჩვენმა სტუმრებმა მესამეც გაიტანეს...
შვეიცარიელება მეკარე ფორვარდით ჩაანაცვლეს, 5 ფეხბურთელით შეუტიეს და... ჩვენმა მეკარე ზვიად კუპატაძემ საკვალიფიკაციო ეტაპზე თავისი მეორე გოლი გაიტანა - კვლავ კარიდან კარში. მატჩის საბოლოო ანგარიში სწორედ კუპატაძემ დააფიქსირა.
ამგვარად, საქართველოს ნაკრებს 9 ქულა დაუგროვდა, ჯგუფში პირველი ადგილი დაიკავა და ევროპის ჩემპიონატის მეორე საკვალიფიკაციო ეტაპზე გავიდა. ჩატარებულ 3 მატჩში საქართველოს ნაკრებმა 20 გოლი გაიტანა და თავის კარში მხოლოდ 3 მიიღო.
მეორე საკვალიფიკაციო ეტაპი აპრილში მინსკში ჩატარდება. საქართველოს ნაკრების მეტოქეები იტალია, ჰოლანდია და ბელარუსი იქნებიან.
21:29 27-01-2017
ევრო 2018. შესარჩევი ეტაპი: საქართველომ ჯგუფში პირველი ადგილი დაიკავა [VIDEO]
AutoSharing Option
მკითხველის კომენტარები / 3 /
მოწონებების მიხედვით
თარიღის მიხედვით
მალადეც ბიჭებო
0
0
მეორე ეტაპიდან ორი გუნდი გადის თუ იქიდანაც ერთი?
0
0
ყველა კომენტარი
გააკეთეთ კომენტარი
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
