28 თებერვალს, ახალი სპორტის სასახლის მცირე დარბაზმა სუპერლიგის რეგულარული სეზონის ბოლო ტურის შეხვედრებს უმასპინძლა. გაირკვა ის 8-8 გუნდი, რომლებიც პლეიოფში განაგრძობენ ჩემპიონის ტიტულისთვის ბრძოლას და იგივე 16 გუნდი იბრძოლებს ასევე სუპერლიგის თასისთვისაც.სუპერლიგა A-ს წრიული ეტაპი, მოქმედი ჩემპიონის პსპ-ს ტრიუმფით დასრულდა. წინა სეზონში დაწყებული სერია "ფარმაცევტებმა" მიმდინარე გათამაშებაში წარმატებულად განაგრძეს და რეგულარული სეზონი წაუგებლად დაასრულეს პირველ ადგილზე. ბოლო ტურში პსპსახელმწიფო დაცვის სპეციალური სამსახურის გუნდს დაუპირისპირდა და დამაჯერებლად 0-3 დაამარცხა.
ლიდერს ორი ქულით ჩამორჩა და რეგულარული სეზონი მეორე პოზიციაზე დაასრულა, კიდევ
დიდი ანგარიშით იმარჯვა კიდევ ერთმა ფავორიტმა. მფკ ნატახტარმავეტერანები დაამარცხა 6-0 და საპლეიოფო რვიანში მესამე პოზიცია ერგო.
უმნიშვნელოვანესი დაპირისპირება დათმო მცხეთის "გრანდ გრუპ ჯორჯიამ", რომელსაც შსს-თან 1-3 წაგება პლეიოფს მიღმა დარჩენად დაუჯდა. მცხეთელები ასპარეზობას სუპერლიგა C -ში განაგრძობენ.
28.02.16. სუპერლიგა A. IX ტური
სკ ვეტერანები - მფკ ნატახტარი 0-6
სდსს - FC PSP 0-3
მფკ ტატიშვილი - სკ ევექსი-ჯვაროსნები 2-0
გრანდ გრუპი (მცხ) - შსს 1-3
ამრიგად 1/4 ფინალში გუნდები შემდეგნაირად დაწყვილდნენ:
სკ პსპ - სდსს
მფკ ტატიშვილი - FC TTC
მფკ ნატახტარი - ვეტერანები
სკ ევექსი-ჯვაროსნები - შსს
პლეიოფში გამარჯვებულის ვინაობა ორი მოგების შედეგად გაირკვევა.
ბომბარდირები: დიტო ანდღულაძე (ჯვაროსნები) - 10, დავით მუჯირი (ვეტერანები) - 9, შოთა უშარაული (შსს) - 7
საკმაოდ დაძაბული გამოდგა სუპერლიგა B-ს რეგულარული სეზონის ბოლო ტურიც.
ვივუსმა წარუმატებელი სერია ახპიურთან შეწყვიტა და უმძიმეს ბრძოლაში 3-1 სძლია მეტოქეს. როგორც შემდგომ გაირკვა, აჭარლები ამ მარცხით პლეიოფს მიღმა დარჩნენ და სუპერლიგა C-ში განაგრძობენ თამაშს.
უაღრესად დაძაბული გამოდგა ზესტაფონის "ფეროსა" და საქართველოს უნივერსიტეტის გუნდების დაპირისპირებაც. იმერლებმა 1-0 მოახერხეს მეტოქის დამარცხება და რეგულარული სეზონი მეორე ადგილზე დაასრულეს.
მნიშვნელოვანი ორი ქულა დაკარგა ევროკრედიტმა, რაც მათ რეგულარული სეზონის გამარჯვებულის წოდების დაკარგვად დაუჯდათ. მათი მეტოქე "ჯორჯიან მანგანეზ ჭიათურის" გუნდი იყო. შეხვედრა ფრედ, 1-1 დასრულდა. ევროკრედიტი კი პლეიოფში მე-5 ადგილიდან ითამაშებს.
პლეიოფში ითამაშებს კასპის "გენერალიც", რომელსაც წინა ტურში სენსაციური გამარჯვების შემდეგ გუშინ ფრეც აძლევდა ხელს, თუმცა კასპელებმა უნიკრედიტთანაც მოახერხეს სამი ქულის მოპოვება - 4-1 და ორი ტურის წინ ერთი შეხედვით ურთულესი ამოცანა, რეალობად აქციეს.
რაც შეეხება წრიული ეტაპის გამარჯვებულს, სატურნირო ცხრილის სათავეში ერთპიროვნულად დანაშაულის პრევენციის ცენტრისგუნდი(CFCP) გალიდერდა. მათ სასახელოდ უნდა ითქვას, რომ მიუხედავად წარუმატებელი სტარტისა, სეზონის დასკვნითი ნაწილი საკმაოდ დამაჯერებლად ჩაატარეს და პირველობაც დაიმსახურეს.
28.02.16. სუპერლიგა B. IX ტური
VIVUS.GE - ახპიური (ბთ) 3-1
სკ ფერო (ზეს) - UG 1-0
GM ჭიათურა - ევროკრედიტი 1-1
UNICREDIT.GE - მფკ გენერალი (კას) 1-4
სუპერლიგა B-ს 1/4 ფინალური წყვილები ასე გამოიყურება:
CFCP - UNICREDIT.GE
სკ ფერო - GM ჭიათურა
VIVUS.GE - გენერალი (კასპი)
საქართველოს უნ. - ევროკრედიტი
გამარჯვებული აქაც ორი მოგების ჯამში გამოვლინდება.
ბომბარდირები: დავით ხუჯაძე (ფერო) - 16, გიორგი ჩივაძე (CFCP) - 13, რასიმ კურბანოვი (UG), ბექა დაბრუნდაშვილი (გენერალი) - 11
რაც შეეხება სუპერლიგის თასის გათამაშებას, აქ უკვე ორივე ლიგიდან გასული 16 გუნდი ბრმა წილისყრის შედეგად 1/8 ფინალიდან დაიწყებენ ასპარეზობას. თასის წილისყრა 8 მარტს გაიმართება.
კვირასვე, VII ტურის გადადებული შეხვედრები გაიმართა კორპორატიულ ლიგებში.
28.02.2016. ვერცხლის ლიგა. VII ტური
საქრუსენერგო - ვითიბი ბანკი 0-6
ალიანს საქართველო - მერია1-1
28.02.2016. ოქროს ლიგა. VII ტური
საქართველოს ფოსტა - TTC 1-5
ბიზნესის ჩემპიონთა ლიგის გენერალური პარტნიორია "ვითიბი ბანკი". ჩემპიონატის ტექნიკური პარტნიორია, ესპანური სპორტული ბრენდი JOMA.
ღონისძიების პარტნიორები და მხარდამჭერები არიან: იურიდიული ჯგუფი "ერისთავი და პარტნიორები", "ტატიშვილის სამედიცინო და სპორტული რეაბილიტაციის ცენტრი", სასტუმრო "ჰოლიდეი ინი", "foodpanda","წყალი მარგებელი", Apple City, ვერცხლის ნაკეთობები "შემოინახე მემკვიდრეობა"და მუსიკალური მაღაზია "GURU music".
მედია პარტნიორები: რადიოები, "იმედი", "კომერსანტი",ვებ პორტალები, geosports.ge, sportall.ge, worldsport.ge, goal.ge, 90wuti.ge და გაზეთი "ლელო".
სპორტული სააგენტო SBM-ის პრესსამსახური
