გიორგი ლორია, დიდი ალბათობით, რუსეთის პირველ დივიზიონში დაქვეითებულ სამარის "კრილია სოვეტოვში" დარჩება და გუნდს პრემიერლიგაში დაბრუნებაში დაეხმარება.რა თქმა უნდა, ძალიან გვინდოდა, საქართველოს ნაკრების 31 წლის მეკარე რომელიმე უკეთეს გუნდში გვეხილა, მაგრამ ეს ვერ მოხდება ობიექტური მიზეზების გამოც.
"ლელო" ლორიას დაუკავშირდა და კომენტარი სთხოვა:
"ძალიან რეალურია, რომ "კრილია სოვეტოვში" დავრჩე. ახლა მხოლოდ ამის თქმა შემიძლია. როგორც იცით, ხელის ტრავმა მაწუხებს და ჯერაც ვმკურნალობ. ესეც იყო ერთ-ერთი მთავარი მიზეზი იმისი, რამაც ახალ გუნდში ჩემი გადასვლა შეაფერხა...
ისე კი, იყო ვარიანტები, მათ
დღეს ასეთი სიტუაცია გვაქვს. თუ რაიმე განსაკუთრებული არ მოხდა, "კრილია სოვეტოვში" ვითამაშებ...
რაც შეეხება ჩემი ჯანმრთელობის მდგომარეობას, სარეაბილიტაციო პერიოდი იმაზე უკეთესად მიდის, ვიდრე დაგეგმილი იყო. წესით, შორს აღარ არის ის დრო, როცა ვარჯიშს განვაახლებ", - გვითხრა ლორიამ.
ყოველდღიური სპორტული გაზეთი "ლელო"
