გუშინ, 10 ივნისს რუსული პრემიერლიგის მე-12 ტურის მატჩები გაიმართა და ტურის ერთ-ერთ გმირად ოთარ მარცვალაძე იქცა. ნიჟნი ნოვგოროდის "ვოლგას" ქართველმა ფორვარდმა "კრილია სოვეტოვთან" 2:0 მოგებულ მატჩში დუბლი შეასრულა. მარცვალაძემ სრულად ითამაშა და "ჩემპიონატ.რუ"-სგან 6.5 ბალი მიიღო. გოგიტა გოგუა (6) 84-ე წუთზე შეცვალეს, გია გრიგალავამ და ლაშა სალუქვაძემ კი თამაში დაიწყეს და ჩაამთავრეს და 5.5-იანი შეფასება დაიმსახურეს. მათე ვაწაძე სათადარიგო იყო.
"ანჟიმ" ნალჩიკის "სპარტაკს" 2:0 სძლია და მახაჩყალელთა კარი ნუკრი რევიშვილმა დაიცვა, რომელიც რამდენიმე დღის წინ საქართველოს ეროვნულ ნაკრებს ტრავმის გამო
სეზონში პირველად გაამწესეს ჯანო ანანიძე მოსკოვის "სპარტაკის" სასტარტოში. ახალგაზრდა ქართველი ნახევარმცველი 78-ე წუთზე დაასვენეს. "სახალხო გუნდმა" შინ ყაზანის "რუბინს" ვერაფერი დააკლო - 0:0.
გროზნოს "ტერეკმა" საკუთარ მოედანზე 2:4 წააგო მოსკოვის ცსკა-სთან. მასპინძელთა რიგებში მეორე ტაიმი ჩაატარა ლევან გვაზავამ, რომელმაც 6-იანი დაიმსახურა.
"კრასნოდარმა" სტუმრად 3:1 სძლია "როსტოვს". კრასნოდარელთა გამოჯანმრთელებულმა კაპიტანმა ალექსანდრე ამისულაშვილმა შეუცვლელად ითამაშა და 6-იანი დაიმსახურა.
იხილეთ ვიდეო
