ბოლოდროინდელი მატჩებისგან განსხვავებით, რუსული პრემიერლიგის გუშინდელი ტური ქართველებისთვის არცთუ წარმატებული გამოდგა. რამდენიმე ჩვენებურს გუშინ, 22 ივნისს საერთოდ არ უთამაშია, დანარჩენებმა კი თავი ბევრით ვერაფრით გამოიჩინეს.ყაზანში "რუბინმა" "ვოლგას" 2:0 სძლია. მასპინძელთა სათადარიგოთა სკამზე იჯდა ახალგაზრდა საბა კვირკველია, ნიჟნინოვგოროდელთა შემადგენლობაში კი მხოლოდ გია გრიგალავამ, მათე ვაწაძემ და ოთარ მარცვლაძემ ითამაშეს - პირველმა ორმა სრულად, მესამე კი თამაშში 54-ე წუთიდან ჩაერთო. გოგიტა გოგუა დისკვალიფიცირებული იყო, ლაშა სალუქვაძეს ყოფილ კლუბთან თამაშის უფლება არ ჰქონდა, გოჩა ხოჯავა კი ტრავმირებულია.
ჯანო ანანიძე ამჯერადაც მოსკოვის "სპარტაკის"
ქართველები ერთმანეთს კრასნოდარში დაუპირისპირდნენ. ლევან გვაზავას "ტერეკმა" ალექსანდრე ამისულაშვილის "კრასნოდარს" 2:0 მოუგო. გვაზავა ძირითადში იყო და 71-ე წუთზე შეცვალეს, მასპინძელთა ქართველმა კაპიტანმა კი მოედანზე 90 წუთი გაატარა.
ნალჩიკის "სპარტაკი" პერმში "ამკართან" 0:1 დამარცხდა, დავით სირაძე სტუმართა 18-კაციან განაცხადშიც არ იყო.
ყოველდღიური სპორტული გაზეთი "ლელო"
