ხუთშაბათს ევროპის ლიგაზე თბილისის "დინამოსა" და რუსთავის "მეტალურგის" ფეხბურთელთა გარდა, ქართველებმა სხვა კლუბების შემადგენლობაშიც ითამაშეს.შემდეგ ეტაპზე გასვლა დაიბევა გიორგი ადამიას "ყარაბახმა", რომელმაც ლიტვაში "ბანგა" 4:0 გაანადგურა. ადამია აგდამელთა ძირითად შემადგენლობაში იყო და 83-ე წუთზე შეცვალეს. იმ დროისთვის "ყარაბახი" 3:0-ს იგებდა.
ბაქოს აზალ-ი შინ "მინსკს" 1:1 დაუზავდა. მასპინძელთა რიგებში ნუგზარ კვირტია 70-ე წუთიდან გამოჩნდა.
დანარჩენი ჩვენებურებისთვის კი ხუთშაბათი მეტისმეტად წარუმატებელი გამოდგა. ერევნის "ულისი" ბუდაპეშტში "ფერენცვაროშთან" 0:3 განადგურდა. სომხური კლუბის შემადგენლობაში სრულად ითამაშეს თენგიზ უგრეხელიძემ და გიორგი კრასოვსკიმ, შოთა ჯიქია მოედანზე
ლატვიური "დაუგავა" კიდევ უფრო შავ დღეში აღმოჩნდა - შინ ნორვეგიულ "ტრომსოსთან" 0:5 წააგო. მასპინძელთა შემადგენლობაში შეუცვლელად ითამაშა ბიძინა ცინცაძემ, მამუკა ღონღაძე სასტარტოში იყო და 53-ე წუთზე შეცვალეს, ხოლო გიორგი ჩიხრაძე სათადარიგოთა სკამზე იჯდა.
ყოველდღიური სპორტული გაზეთი "ლელო"
