საქართველოს ეროვნული ნაკრებისა და თურქული "ქაისერისფორის" მცველი ზურაბ ხიზანიშვილი დაახლოებით ორი კვირა ტრავმის გამო უქმობდა. ხიზანიშვილს ფეხის კუნთი ჰქონდა გაწყვეტილი. მან თურქეთის ჩემპიონატის ორი ტური და ერთიც სათასო მატჩი გამოტოვა.
დავინტერესდით, როდის შეძლებს ხიზანიშვილი მოედანზე დაბრუნებას და შევიტყვეთ, რომ ზურამ სამი დღეა, რაც ინდივიდუალურად, მსუბუქად ვარჯიში დაიწო.
"ქაისერისფორის" თავკაცმა შოთა არველაძემ გვითხრა, თუ სარეაბილიტაციო პროცესი კარგად წარიმართა, შესაძლოა, ხიზანიშვილმა 22 იანვარს "ფენერბაჰჩესთან" ითამაშოსო.
ყოველდღიური სპორტული გაზეთი "ლელო"
