თურქულ პრესაში ბოლო დღეებში გავრცელებული ინფორმაციის თანახმად, საქართველოს ნაკრების 31 წლის მცველი ზურაბ ხიზანიშვილი კლუბს გამოიცვლის - "ქაისერისპორიდან" გაცილებით უფრო ტიტულოვან "ტრაბზონსპორში" გადავა. შეგახსენებთ, რომ ხიზანიშვილის ამჟამინდელ გუნდს შოთა არველაძე წვრთნიდა, ხოლო "ტრაბზონსპორში" ის ლეგენდად არის მიჩნეული.
"ტრაბზონს" ეთნიკურად ლაზი, თოლუნაი კაფკაზი წვრთნის. თურქული სააგენტოები ჩვენებურის კომენტარსაც აქვეყნებენ, რომელშიც ზურაბი კმაყოფილებას გამოთქვამს, რომ საქართველოსთან ახლოს მოუწევს კარიერის გაგრძელება.
ყოველდღიური სპორტული გაზეთი "ლელო"
