იტალიის სერია B-ში "ემპოლი" "პრო ვერჩელის" ესტუმრა და 1:0 დაამარცხა. სტუმართა შემადგენლობაში ლევან მჭედლიძე 82-ე წუთზე გამოჩნდა.
"ემპოლი" სერია A-ში გადასასვლელად ბრძოლას განაგრძობს.
* * *
დანიის სუპერლიგაში ქართველების "ორჰუსი" გასვლით შეხვედრაში "ნორდსიელანდთან" 2:4 დამარცხდა.
ძირითად შემადგენლობაში გამწესებული მათე ვაწაძე 35-ე წუთზე დავით დევდარიანმა შეცვალა, ხოლო სასტარტოში მყოფმა კიდევ ერთმა ქართველმა, დავით სხირტლაძემ მოედანი 67-ე წუთზე დატოვა.
დანიის 12-გუნდიან ჩემპიონატში "ორჰუსი" მე-6 ადგილზეა.
* * *
საფრანგეთის ლიგა 2-ში სეზონის პირველი მატჩი ჩაატარა გიორგი მაკარიძემ, რაც უდავოდ გამოსარჩევი ფაქტია.
იმედია,
მისმა გუნდმა გასვლით მატჩში "ლავალთან" 1:2 წააგო.
* * *
უკრაინულ პრემიერლიგაში 22-ე ტური "ვორსკლასა" და "ზარიას" მატჩით გაიხსნა, რომელიც ფრედ, 0:0 დასრულდა. ჯაბა ლიპარტია "ზარიას" სასტარტო შემადგენლობაში იყო და 71-ე წუთზე შეცვალეს.
* * *
სამხრეთ აფრიკის ჩემპიონატში "მოროკა სვოლოვსმა" "ფრი სტეიტს" უმასპინძლა და 1:0 სძლია. გიორგი ნერგაძე მასპინძელთა სათადარიგოთა სკამზე იჯდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
