რუსეთის პრემიერლიგის მეორე ტურში მოსკოვის ცსკა-მ სამარის "კრილია სოვეტოვს" უმასპინძლა და 2:1 დაამარცხა. სტუმართა შემადგენლობაში ალექსანდრე ამისულაშვილმა და გია გრიგალავამ სრულად ითამაშეს.
* * *
უკრაინული პრემიერლიგის მეორე ტური ლუგანსკის "ზარიასა" და ზაპოროჟიეს "მეტალურგის" მატჩით დასრულდა. შეხვედრა უგოლო გამოდგა.
ჯაბა ლიპარტია "ზარიას" თადარიგში იყო.
* * *
გერმანიის მეორე ბუნდესლიგის პირველ ტურში დიუსელდორფის "ფორტუნამ" კოტბუსის "ენერგის" უმასპინძლა და 1:0 დაამარცხა.
ლევან ყენიას თამაშის საშუალება არ მიეცა. იგი "ფორტუნას" სათადარიგოთა სკამზე იჯდა.
ყოველდღიური სპორტული გაზეთი "ლელო"
