ცუდი ამბავი გაავრცელა საფრანგეთის ელიტურ, პირველ დივიზიონში მოასპარეზე "ბრივის" ოფიციალურმა ვებგვერდმა. განვლილი ტურის მატჩში ბასკურ "ბაიონთან" დაშავდა შერკინების ქართველი ბურჯი გოდერძი შველიძე. დეტალურმა, განმეორებითმა სამედიცინო შემოწმებამ დაადგინა, რომ მას მუხლის მყესი აქვს გაწყვეტილი და დაახლოებით ექვსი კვირის განმავლობაში ვერ ითამაშებს.
შეგახსენებთ, რომ შველიძის გარდა, საფრანგეთის ჩემპიონატის საწყის ტურებში დაშავდნენ: ჯაბა ბრეგვაძე, ვასილ კაკოვინი (ორივე - ტულუზი), ანტონ ფეიქრიშვილი (კასტრი), მამუკა გორგოძე (მონპელიე) და ვახტანგ მაისურაძე (ალბი).
* * *
გათამაშების ბოლოსწინა ეტაპი დასრულდა რუმინეთის სარაგბო ჩემპიონატში. ქვეყნის ოთხი საუკეთესო გუნდი
რუმინეთის მოქმედმა ჩემპიონმა, ბიძინა სამხარაძის, გიორგი ხოსიტაშვილისა და ოთარ ტურაშვილის "ტიმიშოარამ" ბოლო ტურის მატჩში შინ წააგო ბუქარესტის "სტიაუასთან" მინიმალური სხვაობით - 18:19.
მიუხედავად ამისა, ტიმიშოარელებმა ეს ოთხთა ტურნირი 21 ქულით პირველ ადგილზე დაასრულეს და ნახევარფინალში, საკუთარ მოედანზე კონსტანცას "ფარულს" დაუპირისპირდებიან, რომელმაც ყველა შეხვედრა დიდი ანგარიშით დათმო და ერთი პრემიალური ქულის მოპოვებაც ვერ შეძლო.
რუმინული არმიის გუნდთან მატჩში სამხარაძე და ტურაშვილი ძირითად შემადგენლობაში იყვნენ, ხოსიტაშვილს არ უთამაშია.
რუმინეთის ჩემპიონატი
VI ტური
ტიმიშოარა-სტიაუა 18:19
ფარული-ბაია მარე 7:58.
სატურნირო მდგომარეობა
1. ტიმიშოარა - 21 ქულა, 2. ბაია მარე - 19, 3. სტიაუა - 19, 4. ფარული - 0.
ნახევარფინალი
ტიმიშოარა-ფარული
ბაია მარე-სტიაუა
* * *
სტარტი აიღო გათამაშებამ "კელტთა ლიგაშიც", სადაც საქართველოს ნაკრების მესამეხაზელის, დიმიტრი ბასილაიას "ედინბურგი" ასპარეზობს. ამ შოტლანდიურმა გუნდმა პირველი ტურის მატჩი სტუმრად გამართა ირლანდიურ "მანსტერთან" და 23:34 დამარცხდა.
ბასილაია განაცხადში არ იყო.
მომდევნო ტურის შეხვედრაში ედინბურგელები უელსურ "ნიუპორტს" უმასპინძლებენ, რომელმაც პირველ ტურში შინ მოუგო ირლანდიურ "ალსტერს" - 15:8.
კელტთა ლიგა
I ტური
ქონოთი-ზებრე 25:16, ბენეტონი-ოსფრიზი 19:24, მანსტერი-ედინბურგი 34:23, ჰლანეჰლი-ლენსტერი 19:42, ნიუპორტი-ალსტერი 15:8, გლაზგო-კარდიფი 22:15.
სატურნირო მდგომარეობა
1. ლენსტერი - 5 ქულა, 2. მანსტერი - 5, 3. ქონოთი - 4, 4. გლაზგო - 4, 5. ნიუპოტი - 4, 6. ოსფრიზი - 4, 7. ბენეტონი - 1, 8. ალსტერი - 1, 9. კარდიფი - 1, 10. ზებრე - 0, 11. ედინბურგი - 0, 12. ჰლანეჰლი - 0.
II ტური
ზებრე-მანსტერი, კარდიფი-ქონოთი, ალსტერი-გლაზგო, ედინბურგი-ნიუპორტი, ლენსტერი-ოსფრიზი, ჰლანეჰლი-ბენეტონი.
ყოველდღიური სპორტული გაზეთი "ლელო"
თბილისელი ჩოგბურთელი ტრაბზონის ქალთა საერთაშორისო ტურნირში ერთეულებშიც წარმატებით ასპარეზობს და წყვილებშიც
