რუსული პრემიერლიგის მე-8 ტურში გია გრიგალავას "ანჟი" სტუმრად 0:2 დამარცხდა კრასნოდარის "ყუბანთან". ერთ დროს მქუხარე ტრანსფერების შემოქმედი "ანჟი" ახლა 6 ქულით გათამაშების ფსკერზეა.მატჩის შემდეგ ჟურნალისტებს ქართველი მცველი ესაუბრა, რომელმაც 90 წუთი გაატარა მოედანზე.
"პირველ ტაიმში მეტოქეს ყველანაირად ვაჯობეთ. უბრალოდ, ისე მოხდა, რომ მეტოქემ ორჯერ დაგვირტყა კარში და ორი გოლი გაიტანა.
ჩვენ კი მეორე ტაიმშიც გვქონდა 100%-იანი შანსები, მაგრამ გოლების გატანა გვიჭირს. მე მგონი, თავად "ყუბანის" ფეხბურთელებს გაუკვირდათ, რომ მომენტის შეუქმნელად ორი გოლი გაგვიტანეს.
ბოლო ადგილი ფსიქოლოგიურად არ გვიშლის ხელს.
ამ დროისთვის ჩვენი მთავარი სისუსტე მომენტების რეალიზაციაა".
ასევე იხილეთ:
შოთა არველაძემ თვით "ტრაბზონი" დაამარცხა: ბრძოლა გრძელდება!
